Сэбиэскэй Сойуус геройа Ф.К.Попов аатынан Дьокуускай куораттааҕы 20 нүөмэрдээх орто оскуола 1 “г” кылааһыгар быйыл 25 оҕо үөрэнэ киирбит. Кылаас салайааччыта Вера Константиновна Иванова. Кырачааннар аан маҥнайгы уруоктара оскуола дьиэтин 20 сылыгар анаммыт, «Мин уонна мин оскуолам» диэн ис хоhоонноох эбит.
Билии күнүгэр Дьокуускай аҕа баһылыга Евгений Григорьев куоракка бастакы кылааска киирэр оҕолорго «Чуораанчык» сурунаалы бэлэх ууммута. Бу дьэрэкээн ойуулаах олус интэриэhинэй нүөмэр киин куорат 390 сылыгар анаммыта. 1 «г» кылаас үөрэнээччилэрэ сурунаалга бэчээттэммит остуруогу наhаа сэргээбиттэр уонна дьиэлэригэр кыhаллан олорон оҥорбуттар. Ол курдук «Чуораанчык» кырачааннары билии-көрүү киэҥ аартыгар сирдиир умнуллубат бэлэх буолар.
Бэлэмнээтэ Нюргуяна Захарова.