Балаҕан ыйын 1 кунэ – Билии күнэ, биһиэхэ хас биирдии бэйэбитигэр олус күндү! Бүгүн оскуолабыт аана аһыллан, билии дойдутун киэҥ эйгэтигэр саҥа аартыктары арыйар үөрүүлээх үтүө күн үүннэ!
Бүгүн Н.М. Заболоцкай аатынан Томтор орто оскуолатыгар Арассыыйа уонна Саха өрөспүүбүлүкэтин гимнэрэ тыаһаан бүтээттэрин кытта, сибэкки дьөрбөтө тутуурдаах маҥнайгы кылааска киирээччилэр иитээчилэрин кытта Күннэй Владимировнаны, Анастасия Ивановнананы уонна учууталлара Ангелина Семеновна арыаллааһынынан дохсун ытыс тыаһынан доҕуһуоллатан бочуот эргиирин оҥордулар.
Күн бүгүн оскуолабытыгар 143 үөрэнээччи баар. 1 кылааска 15 оҕо оскуола боруогун аан бастаан атыллаата, 9-с кылааска — 13, 11-с кылааска – 9 үөрэнээччи Билии күнүн үөрүүлээхтик көрүстэ. Үөрэнээччилэри 30 учуутал, олор истэригэр 6 эбии үөрэхтээһин педагогтара бааллар.
Маҥнайгы кылааска киирээччилэр хоһоон ааҕан чуопчаардылар, ырыа ыллаатылар бастакы учууталларыгар сибэкки дьөрбөтүн туттардылар. Маҥнайгы кылаас үөрэнээччилэрин Ангелина Семеновна Степанова ылла.
Быйылгы үөрэх дьылыгар үс саҥа специалистар кэлэн үлэлэрин саҕалаатылар. Ол курдук Слепцова Таисия Степановна, английскай тылын учуутала, Капитонова Мария Алексеевна, информатика учуутала уонна Алексеева Виктория Викторовна, социальный педагог.
Маҥнайгы кылаас үөрэнээччилэригэр бүгүн олохторугар умнуллубат кэрэ бэлиэ күҥнэрин тэҥҥэ үллэстэн, быйылгы үөрэх дьылын выпускниктара бэйэлэрин сэмэй бэлэхтэрин, эҕэрдэ «Самолетик будущего» туттардылар. Хас биирдии оҕобут өркөн өйдөөх, киэҥ билиилээх, чөл доруобуйалаах киһи буола, үгүс үтүө доҕордонон үөрэ — көтө улаатыҥ!
Бастакы чуорааны XI кылаас бастыҥ үөрэнээччитэ, актыбыыс Кристина Неустроева уонна I кылааска киирбит Айыстаан Кузьмин тыаһатар чиэскэ тигистилэр. Чуораан лыҥкынас тыаһынан үөрэнээччилэри бастакы уруоктарыгар ыҥыртаата. арыаллааһынынан дохсун ытыс тыаһынан доҕуһуоллатан бочуот эргиирин оҥордулар.
Бары үөрэнээччилэри, учууталлары, төрөппүттэри саҥа үөрэх дьыла саҕаламмытынан өссө төгүл эҕэрдэлиибит!
Кристина Неустроева,
Н.М. Заболоцкай аатынан Томтор орто оскуолатын
XI кылааһын үөрэнээччитэ
«Чуурукта» юнкорпост, Өймөкөөн