Балаҕан ыйын 1 күнэ – Билии күнэ үүннэ! Оскуола саҥа 2025-2026 с.с. үөрэх дьылыгар аанын арыйда! Быйыл биһиги оскуолабытыгар 211 оҕо үөрэниэҕэ, олортон маҥнайгы кылааска уон биэс оҕо киирдэ, кылаас салайааччытынан Наталья Даниловна Александрова үлэлиэҕэ.
Саҥа үөрэх дьыла саҕаламмытынан оскуола директорын э.т. Н. Т. Маркова, «I-кы Малдьаҕар» МТ баhылыгын солбуйааччы Д. С. Лаврентьев эҕэрдэлээтэ, бастакы кылааска киирбиттэргэ анаан бэлэхтэри туттарда. Бүгүҥҥү Билии күнүнэн Хаҥалас улууһун баһылыгар кандидат А. И. Васильева, Анал байыаннай дьайыы кыттыылаахтара В.А. Лыткин, А.Н. Адамов, А. C. Емельянов, Э.А. Сафронов ыалдьыттаатылар, оҕолорго үтүө дьон буолалларыгар баҕа санааларын тиэртилэр. Бүгүҥҥү үөрүүлээх күҥҥэ сэттис кылаас үөрэнээччитэ Эрсан Стручков дойдубут тэбэр сүрэҕэр Москва куоракка оҕолор IV Аан дойдутааҕы культурнай форумнарыгар кыттан кэлбитинэн «I-кы Малдьаҕар» МТ баhылыгыттан Махтал суругу тутта!
Маҥнайгы кылаас үөрэнээччитэ Петров Эрсан уонна 11 кылаас үөрэнээччитэ Фомина Карина бастакы чуорааны чугдаардан оҕолору Билии күнүгэр аналлаах кылаас чаастарыгар ыҥырдылар.
Бары үөрэнээччилэри, учууталлары, оскуола бары үлэhиттэрин уонна төрөппүттэри Билии күнүнэн, саңа үөрэх дьыла саҕаламмытынан эҕэрдэлиибит! Барыгытыгар чэгиэн туругу, оҕолорго туйгун үөрэҕи, элбэх билиини, үтүө доҕоттору, оскуолаҕа үөрэнэр кэмнэргит умнуллубат түгэннэрин, учууталларга үрдүк ситиhиилээх, айымньылаах үлэни баҕарабыт!
Булгунньахтаах орто оскуолатын пресс киинэ