СӨ Ил Дархана Айсен Сергеевич Николаев төрүт култуурабытын илдьэ сылдьар, тарҕатар ытык дьоммутун олоҥхоһуттары, оһуокайдьыттары, уустары судаарыстыба таһымыгар өйүүр туһунан уурааҕа тахсыбыта. Ол иһигэр Олоҥхо дьиэлэрин ситимин оҥоруу, ый аайы 30000 солк. кээмэйдээх стипендия олохтооһуна киирбитэ.
Аһаҕас куоластааһын түмүгүнэн Ньурба оройуонуттан Ийэ олоҥхоһут Василий Иванович Иванов-Чиллэ уонна Сата уустарын сыдьаана Ариан Васильевич Афанасьев-Арыйаан Уус ый аайы төлөнөр Ил Дархан анал стипендиятыгар тиксибиттэрин олус үөрэ иһиттибит. СӨ Бырабыыталыстыбатын дьиэтигэр үөрүүлээх тэрээһиҥҥэ Василий Иванович уонна Ариан Васильевич кыттыыны ыллылар. Ил Дархан Айсен Николаев илиититтэн стипендия туоһутун туттулар.
Киэн туттар дьоммутун дьоһун ситиһиилэринэн эҕэрдэлиибит!
«Ыллык» эдкорпост, Ньурба, Хаҥалас.