Билигин биһиги дойдубутугар уустук кэм. 2022 сылтан анал байыаннай дьайыы саҕаламмыта. Маар нэһилиэгиттэн төрүттээх оскуолабыт выпускнига Валентин Валентинович Иванов Аҕа дойду көмүскэлигэр, анал байыаннай дьайыыга күһүн 2022 сыллаахха бастакы ыҥырыыга баран, дойдутун туһугар ытык иэһин толоро сылдьан сырдык тыына быстыбыта.
Оскуолабыт үөрэнээччитигэр, биир дойдулаахпытыгар, анал байыннай дьайыы хорсун саллаатыгар Валентин Валентиновичка оскуолабытыгар өйдүү-саныы сылдьыахтара диэн өйдөбүнньүк стендэ оҥоһуллубута.
Биһиги, биир дойдулаахтара, оҕолор, ыччаттар Валентинынан куруук киэн туттуохпут, өйдүү-саныы сылдьыахпыт. Анал байыаннай дьайыыга барбыт биир дойдулаахтарбыт тустарыгар долгуйабыт, кэтэһэбит.
Сиһилии видеоҕа кэпсиирбитин көрүҥ:
Уйгууна Афанасьева, Виталий Федоров,
Маар орто оскуолатын «Юла» медиакиинин эдкордара.
keskil14.ru