2019 сылы көрсө, элбэх кэнсиэр буолан ааста. Ол курдук, тохсунньу ый 12 күнүгэр Бороҕоҥҥо «Ороһооспо party» диэн уоттаах-күөстээх кэнсиэр-дискотека буолла. Инстаграмҥа киэҥник тарҕаммыт Гуруунньаны саҥардар вайнер Аскалон Барашков, биллэн эрэр ырыаһыт Александр Васильев-Алекс Хан, Дайаан Сыромятников, Евгений Ксенофонтов уонна кыһыл баанчыктаах ыытааччы Кирилл Ксенофонтов бу киэһэни тэрийдилэр.
Көрөөччүлэр, сүрүннээн оҕолор уонна ыччат, ырыаларын дуоһуйа иһиттибит, көрдөөх–нардаах оонньууларга кыттан күллүбүт-үөрдүбүт, бэркэ сынньанныбыт.
Мин санаабар, ырыаһыт эдэр дьон норуот дэгэрэҥ ырыаларын толороллоро сонуннук иһиллэр эбит. Холобур, Уус Алдантан төрүттээх Василий Новоприезжай битбокс доҕуһуолунан дэгэрэҥ ырыалары попурри оҥорбута киэҥник тарҕанна, биһирэннэ.
Иллэрээ күн бу кэпсээбит бэһиэлэй биэс уолум “Саха” НКИК ханаалын “Талбан” биэриитигэр быһа эфиргэ көһүннүлэр. Кинилэргэ өссө үрдүк ситиһиилэри!
Айталана Пухова, В.А.Протодьяконов-Кулантай аатынан Майаҕас орто оскуолатын 8 кылааһын үөрэнээччитэ.