Тохсунньу ыйга “Росдетцентр” федеральнай тэрилтэ көҕүлээһининэн оскуола медиа киинин активистарыгар «МедиЛаб» Бүтүн Арассыыйатааҕы сүүмэрдиир куонкурус биллэриллибитэ.
Куонкурус тохсунньу 18 күнүттэн олунньу 5 күнүгэр диэри ыытылынна. Кыттааччы икки сорудаҕы толоруохтааҕа.
Бастакынан, медиа хайысханан тоҕо дьарыктанарын туһунан бэйэтин тылынан кэпсиэхтээх. Иккиһинэн, медиа алта хайысхатыттан биирин талан, сорудаҕы толоруу. Кыайыылаах оҕолор «Океан» лааҕырга путевканан наҕараадаланаллар.
Бүгүн куонкурус түмүгэ биллэн, үөрүүбүт муҥура суох олоробут. Ол үөрүүбүтүн аан бастакынан «Кэскилбит» ааҕааччыларын кытта үллэстэбит. «МедиЛаб» Бүтүн Арассыыйатааҕы сүүмэрдиир куонкуруска биһиги оскуолабытыттан 8-с кылаас үөрэнээччитэ, оскуолабыт иһинэн үлэлиир «Мичээр» медиа киин юнкора, «Кэскил» оҕо бэчээтин кыһата Оҕо саас сылын дирекциятын кытта тэрийэн ыыппыт «Гаджеппын көр» күрэх кыайыылааҕа Лилия Маркова кыттыыны ылбыта.
https://vk.com/wall-216506846_717
https://vk.com/wall-216506846_711
«МедиЛаб» Бүтүн Арассыыйатааҕы сүүмэрдиир куонкурус түмүгүнэн биһиги юнкорбут Лилия Маркова кыайыылаах ааттаммыт уонна Владивосток куоракка «Океан» лааҕырга барар путевканан наҕараадаламмыт.
Лилия, эйиэхэ улахан эҕэрдэбитин ыытабыт. Үөрүүгүн тэҥҥэ үллэстэбит.
https://vk.com/wall-220986309_3325
«Мичээр» медиа киин, «Кэскил» медиа оскуола юнкордара,
салайааччы Саргылана Леонтьева,
А.П. Илларионов аатынан Хайахсыт орто оскуолата, Чурапчы