Тохсунньу 19 күнүгэр биһиги оскуолабытыгар 2019 сылтан ыытыллар «Коммунарскай сбор» буолан ааста. Киэһэ оскуолаҕа 6-тан 11-с кылааска диэри үөрэнээччилэр мустаммыт, араас станцияларынан, тохтобулларынан оонньоотубут, сорудахтары толордубут, баскетболга, плакат оноруутугар күрэхтэстибит. Бу маннык хонуктаах коммунарскай сбортан бары бииргэ буолар уонна бэйэ-бэйэҕэ көмөлөсүһэр итиэннэ атын оҕолору кытта алтыһарга, тапсарга үөрэтэр диэн оҕолор санаа атастастыбыт.
Уопсай түмүгүнэн, улахан бөлөххө:
1 миэстэ -10 кылаас;
2 миэстэ- 11 кылаас;
3 миэстэ -9 кылаас.
Орто бөлөххө:
1 миэстэ-8 кылаас;
2 миэстэ -7 кылаас;
3 миэстэ — 6 кылаас.
Тохсунньу 19 күнүгэр «Учуутал уонна Аҕа сүбэһит» сылын түмүктүүр уонна 2024 сыл Арассыыйаҕа «Дьиэ кэргэн», Саха өрөспүүбүлүкэтигэр «Оҕо саас», Томпо оройуонугар «Ийэ сылын» үөрүүлээх аһыллыытын тэрээһинэ оскуолабыт киэҥ саалатыгар ыытылынна. Ситиһиилэринэн элбэх учууталларбыт бырабыыталыстыба, улуус наҕараадалары туттулар, бэтэрээн учууталларга түөскэ иилиллэр анал бэлиэни улуустан туттардылар. Оттон билигин анал сынньалаҥҥа олорор Ягодина Елизавета Викторовнаҕа нэһилиэк бочуоттаах олохтооҕо аат иҥэрилиннэ.
Оскуола оҕолоро учууталларбытын ис сүрэхтэн үөрэн эҕэрдэ ырыаларбытын, үнкүүбүтүн анаабыппыт.
Билигин оҕолор спортивнай саалаҕа күүстээх дьарыгы бара сылдьабыт. Ол курдук, олунньу ыйга улууска, өрөспүүбүлүкэҕэ футболга уонна тустууга улахан күрэхтэһиилэргэ кытта барыахтаахпыт.
Бурцев Вова, 7 кылаас, Томпо улууһа, Кириэс-Халдьаайы