Миша Слепцов – биһиги доҕорбут. Чакыр орто оскуолатыгар кини төрдүс, мин сэттис кылааска үөрэнэбит, уулуссаҕа, пааркаҕа бииргэ оонньуубут.
«Кыталыктаах кырдалым» киинэ кастиныгар тэҥҥэ сылдьыбыппыт. Миша кастины тута ааспыта. Көрөөччүлэр Мишаны ылыныахтара, кини оннук көрүҥнээх диэн интэриэһиргээн көрбүттэрэ, истибиттэрэ, «сүрүн герой бу сылдьар!» диэн тута таайбыттара. Ити икки сыл аннараа өттүгэр этэ. Доҕорбун Мишаны талбыттарыгар үөрбүтүм.
Бу киинэ Иван Дьячковскай-Кыталык Уйбаан «Кустугу ситтэрбиэн» диэн кинигэтигэр олоҕуран уһуллубута. Кини биһиги нэһилиэкпититтэн Чакыртан төрүттээх.
Кэтэһэн-кэтэһэн, күүтэн-күүтэн «Мишабыт киинэтэ» тахсар күнэ дьэ тиийэн кэллэ. «Наһаа интэриэһинэй киинэ буолара буолуо», – диэн сюжетын кылгастык сырдаппыта.
Түгэнинэн туһанан, доҕорбутун Аан дойдутааҕы куонкуруска улахан наҕарааданы туппутунан эҕэрдэлиибин!
Маркел ШЕПЕЛЕВ, VII кылаас, Чакыр, Амма