Байаҕантай нэһилиэгэ Саха сиригэр эрэ буолбакка, бүтүн дойду үрдүнэн «Танда – дьоруойдар дойдулара» диэн биллэр. Биһиги нэһилиэкпит олохтоохторо Аҕа дойду Улуу сэриитин күннэриттэн саҕалаан, аныгы кэмҥэ диэри хорсун быһыыларын көрдөрөн кэллилэр.
https://t.me/keskil_media2020/20207
https://max.ru/join/mwQKTzgOgUx0GKAQGHHcKysb432FtcAWEYH5AUZQ79U
Танда сэлиэнньэтэ ытык-мааны дьонунан аатырар. Манна төрөөбүт уонна үөрэммит дьон өрүү инники күөҥҥэ сылдьаллар. Ол курдук, нэһилиэкпит олохтооҕо, Арассыыйа Дьоруойа, анал байыаннай дьайыылар кыттыылааҕа Алексей Михайлович Неустроев аатынан киэн туттабыт. Оскуолабытыгар дьоруойдарбыт аатын үйэтитэр «Дьоруойдар истиэндэлэрэ» баар. Манна Аҕа дойду Улуу сэриитин уонна аныгы кэм дьоруойдарын туһунан матырыйааллар хомуллубуттар. Оҕолор оскуолаҕа сылдьан, биир дойдулаахтарын олоҕун, албан ааттарын туһунан үөрэтэллэ
Оскуола музейын саамай кэриэттээх миэстэтигэр Арассыыйа Дьоруойа Алексей Михайлович Неустроев аатынан «Герой Партата» турар. Бу судургу паарта буолбатах, бу – ытык сир. Манна Алексей Неустроев олоҕун туһунан сиһилии суруллубут, оҕо сааһын, оскуолаҕа үөрэнэр кэминээҕи, дьиэ кэргэнин, чугас дьонун кытта түспүт хаартыскалара бааллар. Бу экспозиция оҕолорго дьоруой чугас уонна кинилэр кэккэлэригэр баар киһи буоларын өйдөтөр. Оскуолаҕа бастыҥ үөрэнээччилэр паарта иннигэр хаартыскаҕа түһэллэр, кини холобурун батыһарга дьулуһаллар.
Оскуолабыт музейа кэми кытта тэҥҥэ хардыылыыр. Манна Арассыыйа билиҥҥи кэмин дьоруойдарын таһынан, анал байыаннай дьайыыларга кытта сылдьар биир дойдулаахтарбытыгар аналлаах туспа истиэндэ баар.
Бу барыта оҕоҕо патриотическай тыыны иҥэрэр, дойдуга бэриниилээх буолуу суолтатын өйдөтөр.
Байаҕантай нэһилиэгэ дьоруой өбүгэлэринэн киэн туттар уонна кинилэр ааттарын ытык маанытык илдьэ сылдьар.
Дьоруойдуу олоруу – дьоһуннаах олох, онтон дьоруойдуу өлүү – өлбөт үйэлээх аат.
Күндүүнэ ЕГОРОВА, VIII кылаас,
М.Н. Готовцев аатынан Танда орто оскуолата, Уус Алдан
Туйаара Мамонтова видеота, X кылаас