Биһиги хос эһэбит Иван Николаевич Никаноров бэс ыйыгар 1924 с. Мэҥэ Хаҥалас оройуонун II Наахара нэһилиэгэр күн сирин көрбүт. Оскуоланы бүтэрэн, Чараҥ колхозка үлэлии сырыттаҕына 1943 с. аайрмыйаҕа ыҥырыллан барбыт уонна 1947 с. демобилизацияланан кэлбит. Хос эһээбит 71 сааһыгар дылы тохтоло суох дойдутун туһугар ситиһиилээхтик үлэлээбит. 46 сыл кадровой булчутунан, окко звеновойдаан, фермаларга лааҕырдарга дьиэ, титиик тутуутугар сылдьыбыт. Булчутунан сылдьыбыт сылларыгар былаанын, сорудаҕын түргэнник толороро. Кинини 1956 с. «Туйгун булчут» диэн значогунан наҕараадалаабыттара. Хос эһээбит Байкалов аатынан совхозка улууһуугар чемпион буолбут. Сайын илиинэн үлэлэнэр учаастактары кэрийэн оттоон, колхозка 350 тонна үчүгэй хаачыстыбалаах оту бэлэмнээн туттарара. Бултаан колхоһун биэрбит сорудаҕын 200 быраһыантан итэҕэһэ суох толоруом диэн эрэх тыллаах партия XII съеһин аһыллыытыгар кыттыыны ылбыта.
Хос эһэбит сэрии, үлэ ветерана, Саха сирин үтүөлээх булчута, Мэҥэ Хаҥалас оройуонун, Наахара нэһилиэгин бочуоттаах гражданина, «Трудовой Слава» орден кавалера, Байкалов аатынан бириэмийэ биэс төгүллээх кыайыылааҕа, «Отличник охотничьего промысла» бэлиэ хаһаайына. Хос эбэбитинээн Ксения Иннокентьевналыын 13 оҕолоохтор, 100-тэн тахса сиэннээхтэр. Биһиги кинилэр улахан уолларын Уйбаан сиэннэрэ буолабыт. Быйыл сайын хос эһэбит 100 сылыгар аналлаах аймахтар ыһыахтарыгар бары көрсүөхтээхпит. Сиэннэр, хос сиэннэр хос эһэбитинэн киэн туттабыт. Кини курдук күүстээх санаалаах, үтүө майгылаах , үлэһит дьон буола улаатыахпыт.
Карина, Тимур Никаноровтар,
В.П. Ларионов аатынан Майа орто оскуолатын IX «Г» уонна IV «Б» кылааһын үөрэнээччилэрэ