Былыр былыргыттан саа-саадах тутан дойдуларын интэриэһин көмүскээччилэр үрдүктүк тутуллаллара, туох иһин олохторун толук уурбуттара, геройдуу быһыылара үйэттэн үйэҕэ кэпсэнэ турара.
Кэбээйиттэн билигин буолара турар анал байыаннай дьайыыларга 40-тан тахса биир дойдулаахтарбыт Ийэ дойдуларын чиэһин туруулаһан көмүскүү сылдьаллар, сылдьыбыттара. Хомойуох иһин, кинилэртэн 20-тэ сэрии толоонугар тыыннара быстан, көмүс уҥуохтара дойдуларыгар харалынна.
Бу биир дойдулаахтарыбытын үйэтинэн нэһилиэкпитигэр 2024 сылга Улуу Кыайыы болуоссатыгар олохтоох дьаһалта уонна аймахтар күүстэринэн, анал стендэ туруоруллубута. Ыам ыйын 9 күнүгэр иккис сылын уолаттары биир дойдулаахтара уонна биһиги оҕолор кэриэстээн, ахтан-санаан ылабыт, чүмэчи уурабыт.
Маны таһынан былырыын Кэбээйи улууһугар бастакынан «Сүрэхпитигэр өрүү тыыннаахтар» диэн анал байыаннай дьайыы кыттыылаахтарыгар анаммыт кинигэ сүрэхтэммитэ. Бу кинигэ кинилэр сырдык кэриэстэригэр анаммыт.
Оттон бу күннэргэ, Россияҕа Дьоруойдар күннэрин көрсө, Кэбээйи нэһилиэгин «Мичээр» оҕо сайдар киинигэр анал дьайыы бэтэрээннэрэ, убайдыы бырааттыы Петр уонна Алексей Обутовтар ааттарын үйэтитэр сыаллаах тэрээһин буолла.
Убайдыы бырааттыы Обутовтар сырдык кэриэстэригэр «Legorob» тэрээһин ураты толкуйдаах оҕолор оҥорон, таҥан таһаарыыларын күөдьүтүү, өссө дириҥэтэн сайыннарар сыаллаах ыытылынна. Уонна оҕолор биир дойдулаахтарын хорсун быһыыларыгар сүгүрүйүү диэн тугун биллилэр.
Онон, хорсун-хоодуот биир дойдулаахтарбыт ааттарын сүрэхпитигэр умнубакка илдьэ сылдьыахпыт дии саныыбын, кинилэр күүстээх санааларынан киэн туттуохпут.
Дуолан Павлов, 9 кылаас
“Дьоҕур” медиакиин, Кэбээйи орто оскуолата