Былырыын Дьокуускайдаа5ы 2-с нүөмэрдээх национальнай политехническай оскуола тэриллибитэ 80 сылын бэлиэтээбитэ. Бу үөрүүлээх тэрээһиңңэ государственнай деятельгэ тиийэ үүммүт махталлаах үөрэнээччилэрэ Евгения Исаевна Михайлова кэлэн э5эрдэлээбитэ уонна Москва5а Ороһуоспатаа5ы каникулга сынньана барар 10 путевканы бэлэхтээбитэ.
Дьэ, ол путевкаларынан быйыл оскуоланы бүтэрэр 10 үөрэнээччи на5араадаламмыт: Алеша Чемезов, Артем Петров, Артем Говоров, Проня Горохов, Дархан Максимов, Лена Слепцова, Коля Попов, Влада Сирдитова, Кирилл Винокуров, Ньургуйаана Саввина.
Кинилэр бу күннэргэ дойдубут тэбэр сүрэ5эр күүлэйдии сылдьаллар.
— Москва5а Хотугулуу Илиңңи федеральнай университет 75 бастың устудьуонун кытта бииргэ сылдьабыт. Биһиги салайааччыбыт — учууталбыт Марина Борисовна Евсеева. Тохсунньу 14 күнүгэр кэлбиппит. Нэдиэлэ буолабыт. Кремль музейдарыгар, Третьяков галереятыгар, «Microsoft» хампаанньа5а, МГУ-га, РУДН-ңа, Саха Сирин постпредствотыгар, «Мосфильм»-ңа сырыттыбыт. Үксүбүт Москва5а бастакы сырыыбыт буолан, барыта сонун, кэрэхсэбиллээх. Санаабыппынаа5ар быдан улахан куорат эбит. «Космос» гостиница5а түстүбүт.
Мин маннык үчүгэй айаңңа актыбыыс, спортсмен буолан тигистим. Оскуолабыт президенин сүбэтигэр баарбын. Тэрээһиннэргэ аппаратура5а олоробун, музыка холбуубун.
Мантан саас ЕГЭ-бэр күүскэ бэлэмнэниэм. Юридическайга туттарсан көрүөм. Ол иһин икки сүрүн экзамены таһынан омук тылын, обществознаниены, историяны туттарабын. Манна кэлэн, РУДН (Российская Академия Дружбы Народов) сэңээрдим. Ба5ар, онно холонон көрүөм.
О5о сааһым умнуллубат күннэрин бэлэхтээбит тапталлаах оскуолабар махтанабын, — диир Дархан Максимов.