Улуустааҕы үөрэх управленията Дьокуускайдааҕы коммунальнай тутуу техникумун кытары үөрэнээччилэри идэҕэ туһаайыы хайысхатыгар сөбүлэҥ түһэрсиитин чэрчитинэн бырайыак олоххо киирэр.
С.П. Данилов аатынан Бэрдьигэстээх оскуолатыгар техникум үөрэх-производственнай үлэҕэ директоры солбуйааччы Евгений Попов, практика уонна производственнай үөрэхтээһин отделын салайааччыта Ева Картес кэлэн билсэн, үөрэх былаанын кэпсэтэн бардылар.
Оскуола 10 кылааһын үөрэнээччилэриттэн сүүмэрдээн анал үөрэх бөлөҕө тэрилиннэ. Оҕолор маннык идэлэри баһылыахтара:
-штукатур,
-тутуу маляра,
-каменщик,
-дьиэ санитарнай-техническэй системаларын уонна тэриллэрин слесара,
-облицовщик-плиточник.
Үөрэх 5-6 ый устата сетевой көрүҥүнэн ыытыллар: практическай чааһа зачет, экзамены туттарыы техникум базатыгар буолара быһаарылынна.
2022-2023 үөрэх дьылын түмүгэр оробуочай идэлэри баһылаабыт сибидиэтистибэлэри илиилэригэр тутуохтара.
С.П. Данилов аатынан Бэрдьигэстээх орто оскуолатын «Кэскил» медиа-оскуолата.