Тохсунньу 13 күнүгэр Семен Петрович Данилов аатынан Бэрдьигэстээх орто оскуолатыгар Россияҕа Дьиэ кэргэн сылын, Саха Өрөспүүбүлүкэтигэр Оҕо саас сылын, Горнай улууһугар Урбаан сылын арыйар үөрүүлээх линейка буолан ааста.
Дойду Президенэ Владимир Владимирович Путин 2023 с. сэтинньи 22 күнүгэр дьиэ кэргэн сыаннастарын үгэстэрин харыстыыр, сыһыанын бөҕөргөтөр сыалтан 2024 сылы Дьиэ кэргэн сылынан биллэрэр уураахха илии баттаабытын, бу сыл чэрчитинэн биһиги оскуола төрөппүттэрбитин кытары сыһыаны бөҕөргөтөр уонна дьиэ кэргэҥҥэ сылаас эйгэни тэрийэргэ көмөлөһөр тэрээһиннэр былааннаммыттарын оҕолорго иһитиннэрдибит.
СӨ Ил Дархана Айсен Сергеевич Николаев саҥа 2024 сыл Саха сиригэр Оҕо саас сылынан биллэрбитин, онно тирэҕирэн, 2024 сылга биһиги оскуолабытыгар оҕо бары өттүнэн дэгиттэр сайдарыгар, доруобуйалар бөҕөргүүрүгэр, үүнэр көлүөнэ олоҕун тупсарыыга туһуламмыт араас тэрээһиннэр ыытыллыахтара.
Горнай улууһун баһылыга Никита Викторович Андреев саҥа 2024 сыл Горнай улууһугар Урбаан сылынан биллэрбитэ. Онно тирэҕирэн бу сылга биһиги оскуолабытыгар бизнес-инкубатор, кылаастарынан бизнес-бырайыактар үлэҕэ киирэр тэрээһиннэрэ ыытыллыахтара.
Тэрээһини Горнай улууһун чаҕылхай ыччата Кустуктаан Семенов уонна «Түмэн» оҕо хамсааһына киэргэттилэр.
Линейкаттан видеоны биһиги ВК бөлөхпүтүгэр көрүҥ: https://vk.com/wall-199463452_16979
С.П. Данилов аатынан Бэрдьигэстээх орто оскуолатын медиакиинэ.