Бүгүн, муус устар 22 күнүгэр, Горнай улууһун Семен Петрович Данилов аатынан Бэрдьигэстээх орто оскуолатыгар 7-с «в»кылааска медико-биологическай кылаас арыллар дьоро түгэнэ буолан ааста.
Бу кэрэ-бэлиэ күҥҥэ күндү ыалдьыт буола кэллилэр: Максим Кирович Аммосов аатынан Хотугулуу илиҥҥи федеральнай университет медицинскэй институт, Дьокуускайдааҕы медицинскэй колледж преподавателлэрэ, Горнай улууһун салайааччылара.
Бэрдьигэстээх нэһилиэгин аҕа баһылыга Аргунов Алексей Григорьевич, Горнай улууһун үөрэх управлениетын начальнига Сметанина Варвара Ильинична Горнай улууһун киин балыыһатын кылаабынай бырааһа Апросимов Леонид Аркадьевич, Максим Кирович Аммосов аатынан Хотугулуу илиҥҥи федеральнай университет медицинскэй институтут анатомия кафедратын доцена, медицинскэй наука кандидата Сергина Екатерина Петровна, Дьокуускайдааҕы медицинскэй колледж преподавателя, приемнай хамыыһыйа сэкирэтээрэ Шарапова Александра Владимировна медико-биологическай кылаас оҕолоругар, учууталларыгар, төрөппүттэригэр бэйэлэрин эҕэрдэ тылларын, баҕа санааларын эттилэр.
Үөрүүлээх тэрээһиҥҥэ медико-биологическай кылаас оҕолоро үрүҥ халаат кэппиттэрэ, бэйэлэрин мэктиэ тылларын эппиттэрэ олус долгутуулаах буолла.
Бу күн кэлбит ыалдьыттарбыт олус интэриэһинэй маастар-кылаастары, лиэксийэлэри ыыттылар. Ол курдук Дьокуускайдааҕы медицинскэй колледж преподавателлэрэ уонна устудьуоннара сирэйи, тыҥыраҕы хайдах көрүнэргэ, ыарыһаҕы хайдах эмтииргэ, уу кыһыл оҕону хайдах көрөргө-истэргэ, анализтары хайдах оҥорорго биһиги үөрэнээччилэрбитигэр маастар-кылаастары көрдөрдүлэр.
Хотугулуу-илиҥҥи федеральнай университет медицинскэй институт анатомия кафедратын преподавателлэрэ «Доруобуйаҥ бэйэҥ илиигэр», «Инники үөрэххин билиҥҥэттэн тал» диэн олус интэриэһинэй тиэмэлэргэ кэпсээтилэр.
Бүгүҥҥү тэрээһиммит олус таһаарыылаахтык ааста. Бука бары ыалдьыттар уонна оҕолор үөрэн-көтөн, элбэх билии ылан тарҕастыбыт.
Сандаара Пахомова, 5-с кылаас үөрэнээччитэ