Балаҕан ыйын 17-19 күннэригэр Горнай улууһун С.П. Данилов аатынан Бэрдьигэстээх орто оскуолатыгар футболга чөмпүйэнээт ыытылынна. Олус чаҕылхай, тыҥааһыннаах оонньуулары, киирсиилэри көрдүбүт.
Төһө даҕаны ардахтаах, хаардаах күннэр турдаллар, оскуола стадионугар уонна спорт саалатыгар 5-10 кылаас үөрэнээччилэрин хамаандаларын икки ардыларыгар күрэх буолан ааста.
Ол курдук, 5-с кылаастар икки ардыларыгар кыайыылаах 5 «в» кылаас буолла, 2-с миэстэ — 5 «а» кылаас уонна боруонсаны 5 «б» кылаас ыллылар.
6-7 кылаастар ардыларыгар:
1 миэстэ — 7 «б» кылаас хамаандата;
2 миэстэ — 6 «в» уонна 6 «б» кылаас холбоһуктаах хамаандалара;
Үрдүкү кылаастарга бастыҥ футболистарынан 10 «б» кылаас уолаттара буоллулар.
Үрүҥ көмүс мэтээлгэ 8 «а» кылаас футболистара тигистилэр.
Үһүс бочуоттаах миэстэ 9 «б» кылаас хамаандата буолла.
Ону тэҥэ, «Бастыҥ оонньооччу» анал ааттар ааттаннылар: Алан Павлов (5 «в» кылаас), Оскар Иванов (7 «б» кылаас) уонна Эдуард Захаров (10 «а» кылаас).
Инникитин даҕаны, спортсменнарбытыгар саҥа кыайыылары-хотуулары баҕарабыт!
Кыайыыга дьулуурдаах, чаҕылхай оонньуулары көрдөрбүт хамаандаларбытыгар, чиэһинэйдик дьүүллээбит, судьуйалаабыт физкултуура учууталларыгар, хаһыытаан-ыһыытаан өйөөбүт ыалдьааччыларбытыгар махтанабыт!
Алина Петрова, Сэмэн Данилов аатынан Бэрдьигэстээх орто оскуолатын 5-с «а» кылааһын үөрэнээччитэ, «Сайдам» медиакиин эдэр кэриспэдьиэнэ