С. П. Данилов аатынан Бэрдьигэстээх орто оскуолата оҕону үөрэнэр сылларыгар инникитин талыахтаах идэтигэр эрдэттэн билиһиннэрэр, сыһыарар инниттэн (профориентационнай) сыал-сорук туруоран былааннаахтык үлэлиир.
8 «в» медико-биологическай кылаас оҕолоругар аналлаах бырайыак быйылгыттан ыла сетевой үөрэхтээһиҥҥэ Дьокуускайдааҕы медицинскэй институт оскуоланы кытта дуогабар түһэрсэн үлэлээн эрэр. Медицинэ уопсай өйдөбүлүн иҥэрэллэр. Сэтинньи ый 8 күнүгэр оҕолор институтка баран үөрэнэн кэллилэр. Ити курдук, оҕо идэтин таба тайанарыгар эрдэттэн бэлэмниир сыалтан оскуола үрдүк үөрэх тэрилтэлэрин кытта ситимнээх үлэни ыытар.
Оҕолор билсэн, астынан быраас идэтин баһылыырга бастакы хардыылары оҥордулар. Кинилэри эдэр учууталлар Анастасия Обутова, Афанасий Лукин тэрээһиннээхтик илдьэ сырыттылар. Оҕолорго ситиһиилэри баҕарабыт!
«Кэскил» медиа-оскуола