Улууска Экология сылын чэрчитинэн бырайыактарга С.П. Данилов аатынан Бэрдьигэстээх орто оскуолатын кэлэктиибэ көхтөөхтүк кыттар. Оскуола иһинэн үлэлиир «Хардыы» волонтер этэрээтэ Горнайдааҕы кырдьаҕастар уонна инбэлииттэр дьиэлэрин олбуоругар мас олортулар. Уопсайа 8 мас хатыҥ, бэс олордулунна.
Олохтоохтор үөрэн, үтүө санаалаах волонтердарга махтаннылар. Оскуола аҕа көлүөнэ дьонугар ахсаабат болҕомто, истиҥ кыһамньы ууран үлэлэһэр.
7-a кылаас оҕолоро уонна төрөппүттэрэ кырдьаҕастар дьиэлэрин олохтоохторугар “Күһүҥҥү байанай” диэн акция оҥордулар. Аҕам саастаах дьоҥҥо кус, собо, отон, ынах иһэ бэлэх быһыытынан ууннулар.
— Аҕа саастаах дьону ытыктааһын, өрө тутуу биһиэхэ былыр былыргыттан баар үгэс, — диэн олохтоохтор махталлара муҥура суох.
С.П. Данилов аатынан Бэрдьигэстээх орто оскуолатын «Кэскил» медиа-оскуолата.