Өрөспүүбүлүкэтээҕи “Кэскил” оҕо хаһыата олоҕу кытта тэҥ тэтимнээхтик үүнэр-сайдар. Быйылгыттан дьэрэкээн сурунаал сыһыарыыламмыт. Суруйтарбыт оҕолор номнуо тутан олорор буолуохтааххыт.
Олунньутааҕы нүөмэргэ “Хардылаа, Оонньоо, Толкуйдаа” диэн саҥа рубрикаҕа саастарыттан тутулуга суох оҕолорго аналлаах “ОХСУО” диэн сонун у (5 карта, 5 фишка) тахсыбыта! Бу оонньууну Мэҥэ Хаҥалас улууһун Хаптаҕай орто оскуолатын оҕолоро толкуйдаан оҥорбуттара. Бу муус устар ыйтан алтынньыга диэри хас биирдии сурутааччы иккилии карта уонна фишка тутуоҕа.
Хайдах оонньоноруй?
Фишканан икки эбэтэр онтон элбэх киһи оонньуур. Биирдии фишканы умса тутан, остуолга тэҥҥэ быраҕаҕын, фишка герой уруһуйдаах өттүнэн сыта биэрдэҕинэ – ол киһи хотор. Утарылаһааччы фишкатын ылар. Оннук гынан, кыттааччылар элбэх фишка хомуйа сатыахтаахтар.
Картанан икки эбэтэр онтон элбэх киһи оонньуур. Биирдии картаны умса тутан, остуолга тэҥҥэ уураҕын, онтон тэҥҥэ эргитэн очукуолары ааҕаҕын, элбэх очукуолаах киhи хотор. Утарылаһааччы картатын ылар.
Сурунаал нүөмэрдэриттэн төһөнөн элбэх карта, фишка мунньаҕын да соччонон өссө азартанан иһиэҥ! Кылааһынан суруйтарбыттарга – бэлэм остуол оонньуута! Оттон суруйтара илик буоллаххына кытаат! Инники нүөмэрдэри “Кэскил” хаһыат редакциятыттан ылыаххын сөп. Аадырыспыт: Орджоникидзе 31 №-дээх дьиэтэ, 214 каб., билсэр төл.: 89143000198, 89841129951.
“Охсуонан” оонньуоҥ – олоҥхону билиэҥ, толкуйгун сайыннарыаҥ!