Саҥа Дьылы көрсө улууспут иһинэн «Елочная игрушка для главной Елки» диэн бэйэ илиитинэн дьиэ кэргэн оҕолорунаан кыттарыгар анаан куонкурус тэриллибитэ. Бу куонкуруһу үөрэх управлениетын иитэр үлэҕэ салаата уонна Сунтаар 3 №-дээх оскуолата тэрийэн ыытта. Куонкуруска барыта 285 оонньуур киирбит.
Бу киирбит оонньуурдары дьүүллүүр сүбэ сыаналаата. 5 чаҕылхай оҥоһуктар Сунтаарбыт киин ёлкатыгар үөрүүлээх быһыыга ыйаннылар. Ити 5 бастыҥ үлэлэр истэригэр киирэн Эрчим уонна Чэмэлиинэ Кривошапкиннар, кинилэр ийэлэрэ Муза Артемьевна 1 степэннээх дипломунан уонна анал бирииһинэн наҕараадаланнылар.
Кинилэр кэлэр сыл символа куобахчааны уонна бары сөбүлүүр айымньыбыт геройун Щелкунчигы дьиҥ чахчы курдук оҥорон дьүүллүүр сүбэ үрдүк сыанабылын ыллылар.
«Кустук» пресс-киин, Күүкэй, Сунтаар.