Алтынньы 15 күнүгэр Сунтаардааҕы А.П. Павлов аатынан бастакы нүөмэрдээх оскуолаҕа бастакы уонна бэһис кылаас үөрэнээччилэрин сүрэхтэниилэрэ буолан ааста.
1 кылааска барыта 30 оҕо үөрэнэр, кылаас салайааччыта Степанова Айыына Иннокентьевна. 5-а кылааска 29 оҕо үөрэнэр, кылаас салайааччыта Фокинова Татьяна Аркадьевна, 5-б кылааска 30 оҕо үөрэнэр, кылаас салайааччыта Серова Александра Леонидовна, 5-в кылааска 30 оҕо үөрэнэр, кылаас салайааччыта Тимофеева Галина Валерьевна, 5-г кылааска 22 оҕо үөрэнэр кылаас салайааччыта Иванова Кристина Егоровна.
Тэрээһин кэмигэр үөрэнээччилэр бэйэлэрин талааннарын, кылаастарын визиткаларын көрдөрдүлэр. «Эрэл» оҕо хамсааһынын активистара көрдөөх-нардаах, толкуйдатар оонньууну ыыттылар, алын кылаас үөрэнээччилэрин эҕэрдэлээтилэр.
Быйыл саҥа оскуолаҕа үктэммит оҕолору өссө төгүл эҕэрдэлиибит!
Ситиһиилээх үөрэх дьылын баҕарабыт!
Стас Любенко, медиа-киин юнкора.