«Бастакы олимпиада».Үөрэх аныгы ирдэбилин тутуһан, оҕо дэгиттэр билиитин сайыннарар улуустааҕы аһаҕас олимпиада үһүстэргэ 22 хамаанда,төрдүстэргэ 14 хамаанда алын кылаастарга күөн көрүстүлэр. Айылҕаны анаарар,ааҕар-суоттуур билиилэрин тургутар сорудахтар бааллар. Уон араас оскуолаттан 72 үөрэнээччи икки чаас устата оҥордо. Таатта лицейин үөрэх чааһыгар саабыс Оксана Мировна Слепцова ийэтин Слепцова Анастасия Михайловна РСФСР норуотун үөрэҕириитин туйгуна сырдык кэриэһигэр ананна. Кылаас аайыттан икки кыайыылаах Таатта лицейиттэн уонна маҥнайгы орто оскуолаттан кубок ылан үөрүү үлүскэнин биллэ.
Миэстэлэспит, алта анал ааты ылбыт оҕолор харчынан сертификат, хоруопканан сакалаат туттулар. Бу үтүө бачыымҥа Слепцовтар аймахтара кыттыстылар, бириис туруордулар. Саҥа сүүрээни киллэрэн, лицей алын кылаас учууталлара бэйэлэрин баҕаларынан оҥордулар. Маҥнайгы хамсааһын сыллата ыытыллар үтүө үгэскэ кубулуйарыгар саарбахтаабаттар.
Оксана Андросова.