Дьокуускай куорат Н.И. Шарин аатынан 39 №дээх орто оскуолаҕа педагогическай хайысхалаах 7 «б» кылаас үөрэнээччилэрэ (кылаас салайааччыта Айталина Валерьевна Сивцева) учуутал идэтигэр бэлэмнэнэр сыаллаах «Бастакы кылаас үөрэнээччилэригэр эбии дьарык» бырайыак чэрчитинэн, алын кылаас үөрэнээччилэригэр уруок ыыттылар.
Бырайыак хайысхаларынан бөлөххө арахсан, иккилии оҕо биирдии кылааска киирэн үөрэттилэр. Төгүл таблицатын ыарырҕатар оҕолорго анаан, түргэнник өйгө хатанар гына, оонньуу ньыматынан интэриэһинэй дьарыгы ыыттылар. Сорохтор уҥа, хаҥас хайысханы араарарга үөрэттилэр. Өйү сытыылыыр дьарыктары ыытан, кырачаан оҕолору олус үөртүлэр.
Түмүгэр сахалыы ойуулугу көрдөрөн сэргэхситтилэр. Учуутал уустук идэтигэр сыстан, оҕолору кытта алтыһа үөрэнэн, педагогическай хайысхалаах 7 «б» кылааһын үөрэнээччилэригэр ситиһиини баҕарабыт.
Барахсанова Дайаана
Петрова Карнелия
7 «г» кылаас үөрэнээччилэрэ
Н.И. Шарин аатынан 39 №дээх орто оскуола