Муус устар 15 күнүгэр биһиги оскуолабыт тэрийиитинэн биир дойдулаахпыт, «За мужество» орден кавалера Никифоров Конон Николаевич сырдык кэриэhигэр, ССРС норуотун учуутала Алексеев Михаил Андреевич 105 сылыгар, Саха АССР 100 сылыгар анаммыт «Мин — патриоппун» диэн региональнай байыаннай-спортивнай күрэхтэhии иккис тѳгүлүн буолан ааста. Тэрээһини «Кѳмүс бѳрүѳ» пресс-киин салайааччыта Людмила Тарасова сырдатар.
Бүлүү улууһун Илбэҥэтиттэн тѳрүттээх Никифоров Конон Николаевич, Бүлүүтээҕи ис дьыала отделын дьуhуурунай чааhыгар милиционерынан үлэлии сылдьан, Бүлүү куоратыгар сулууспатын кэмигэр 25 сааhыгар 1995 сыл ыам ыйын 5 күнүгэр күлүгээн илиититтэн сырдык тыына быстыбыта. РФ президенэ Б.Н.Ельцин 1996 сыллаахха муус устар 4 күнүнээҕи Ыйааҕынан Никифоров Конон хорсун быhыытын үрдүктүк сыаналаан, улууска бастакынан «За Мужество» орден наҕарааданы дьонугар туттарбыттара.
Күрэххэ, уопсайа, түѳрт уонтан тахса оҕо Кэбээйи улууhуттан Мукучу (Танара), Горнайтан Аhыма (Кировскай) уонна Орто сурт (Маҕаны), Бүлүү улууһуттан Хампа уонна Баппаҕаайы оскуолаларыттан 5 – 11 кылаастартан талыллан, 7-лии кыттааччылаах 6 хамаанданан куоталастылар. Бэйэбит оскуолабыт 2 хамаанданы тэрийэн туруорда.
Сахалыы сиэринэн ыалдьыттары арыылаах алаадьынан күндүлээн, муусука учуутала Кириллина Матрена Егоровна тохтор кѳмүс тойугунан туойан уруйдаата – айхаллаата. Нэhилиэкпит баhылыга Николаев Егор Афанасьевич, оскуола дириэктэрэ Макаров Виталий Владиславович, күрэхтэhии сүрүн тэрийээччитэ физкультура учуутала Иванова Мария Константиновна эҕэрдэлээн, кыттааччыларга ситиhиилэри, кыайыы – хотууну, алгыс тылларын анаатылар.
Бу тэрээhин сүрүн ыалдьыттарынан Никифоров Конон ийэтэ, тыыл, үлэ ветерана Антонова Ульяна Степановна уонна бииргэ тѳрѳѳбүттэрэ, кинилэр оҕолоро, сиэннэрэ буоллулар.
Ульяна Степановна мустубут дьоҥҥо, кыттааччыларга уолун олоҕун туhунан кэпсээтэ, тулуурдаах, дьулуурдаах, дьиҥнээх патриоттуу эр санаалаах, дойдуларыгар бэриниилээх буолалларыгар истиҥ тылларынан алҕаата.
Бастыҥ визиткалаах «Сокол» хамаанда
Бастакынан хамаандалар визиткаларын кѳрдѳрдүлэр. Бэйэни билиhиннэриини туспа сыаналаан барыларыттан ураты Кировскай «Сокол» хамаандата «Бастыҥ визитка» буолла.
Салгыы күрэхтэhиигэ түһүмэхтэрэ: Суhал кѳмѳнү оҥоруу, «Калашников» автоматы ыhыы – хомуйуу, автомат маҕаһыынын хомуйуу, физическэй бэлэмнээхтэрин кѳрдѳрүү (уолаттар тардыналлар, кыргыттар пресс хачайдыыллар), уолаттар уочаратынан мас хайыталлар, кыргыттар «колодец» диэн ньыманан мастарын сааhылыыллар, таhырдьа кѳрдѳѳх эстафета: тоҥуу хаарга туут хайыhарынан сүүрүү; автомат сүгэhэрдээх мэhэйдэри туорааhын; АК-74 сүгэ сылдьан сүүрэн тиийэн, воздушка саанан сыалы ытыы; гранатанан таанканы таба быраҕыы; противогаз кэтэн сүүрүү; салааскаҕа оҕону олордон сүүрүү.
Оҕолорго, салайааччыларга анал номинациялар уонна спонсордар туруорбут бириистэрэ ананнылар:
«Лучшая силовая подготовка» кыргыттарга – Реброва Мария, Маҕаны «Рысь», уолаттарга Оленов Андрей, Кировскай «Сокол».
«Лучшее снаряжение АК-74 патронами» — кыргыттарга Федорова Нарыйаана, 7 кылаас, уолаттарга Николаев Николай, 10 кылаас, иккиэн Баппаҕаайы «Молодая гвардия» хамаандата.
«Самый быстрый, ловкий» — Николаев Николай, Баппаҕаайы «Молодая гвардия».
«Самый юный участник» — Андреева Айаана, 5 кылаас, Баппаҕаайы «Отвага».
«Лучший стрелок» — Иванов Дьулусхан, 8 кылаас, Баппаҕаайы «Молодая гвардия».
«Лучшая сборка, разборка автомата» — Татаринов Александр, 11 кылаас, Баппаҕаайы «Молодая гвардия».
«Стремление к победе» — «Эрэл» И.Е. Левин аатынан Танара сокуолатын хамаандата (Мукучу).
«Лучший руководитель» — Степанов Егор Егорович, физкультура учуутала, Баппаҕаайы «Молодая гвардия» салайааччыта.
Дьүүллүүр сүбэ
Бу улахан күрэхтэhиини тэрийиигэ элбэхтик сүүрбүт – кѳппүт, тутаах дьоннор үрдүкү категориялаах физкультура учуутала Иванова Мария Константиновна, оҕо түмсүүтүн салайааччыта Афанасьева Марина Ивановна, физкультура учуутала Степанов Егор Егорович, дириэктэри иитэр үлэҕэ солбуйааччы Макарова Юлиана Николаевна. Дьүүллүүр сүбэҕэ Баппаҕаайы нэhилиэгин баһылыга Николаев Е.А., М.А.Алексеев аатынан Баппаҕаайы оскуолатын директора Макаров В.В., производственнай үѳрэхтээhин маастара Тарасов Н.Н., Конон Никифоров бииргэ тѳрѳѳбүт убайа Никифоров А.Н., улууска ыытыллыбыт «Аҕа уолунаан» күрэх 2021- 2022 сылларга икки тѳгүллээх призер, спортсмен Иванов Д.М. таһаарыылаахтык үлэлээтилэр. «Мин – патриоппун» тэрээһини иилээн – саҕалаан ыыттылар киминэн да солбуллубат ыытааччылар Жиркова И.Н, Винокурова А.С. Күрэхтэhии түгэннэрин саҥаран – иҥэрэн, кѳрѳѳччүлэр болҕомтолорун тардыбыт комментатор Жиркова Ирина Николаевна. Тэрээhини барытын видеоҕа Васильева М.А., Платонова С.С. уhуллулар, «Кѳмүс бѳрүѳ» пресс- киин эдэр кэрэспэдьиэннэрэ Петров Ринат, Николаева Чэмэлинэ, Степанова Анастасия, Никитина Лена, Антонова Наташа хаартыскаҕа түһэрэн, кыттааччылартан интервью ылан сонуннары сырдатыыга үлэлэстилэр.
Эдэр кэрэспэдьиэннэр кэлии кыттааччылартан интервьюлара:
— Күрэххэ тѳһѳ бэлэмнэммиккитий?
— Эhиги санааҕытыгар күрэхтэhии тѳһѳ учугэйдик ааста?
— Күрэх ханнык кѳрүҥүн сѳбүлээтигит уонна ханныгы ыарырҕаттыгыт?
«Сокол» — Горнай Кировскай оскуолатыттан Оленов Андрей (9 кылаас) уонна Кириллов Айаал (10 кылаас): «Син үчүгэй соҕустук бэлэмнэмиппит. Бу тэрээhин үчүгэйдик ааста, арааhынай уонна олус интэриэhинэй түhүмэхтэр буоллулар». Андрей: «1-кы суhал кѳмѳнү олус сѳбүлээтим». Айаал: «Онтон мин эстафетаны ордордум» диэн уолаттар үѳрэ-кѳтѳ эттилэр.
«Кэскил» — Хампа оскуолатыттан Семёнов Илья ( 9 кылаас): «Күрэхтэhээри син эрчиллибиппит. «Я Патриот» диэн тэрээһин сонун буолан, быдан үчүгэйдик ааста. Саамай сѳбүлээбит этабым – физическэй бэлэмҥэ тардыныы этэ, онтон эстафетаҕа ыарахаттары кѳрсүбүтүм».
«Эрэл» — Танара оскуолатыттан (Мукучу) Иванов Харысхан (9 кылаас) уонна Лукинов Иван (8 кылаас): «Кэлиэхпит инниттэн нэдиэлэ игин курдук бэлэмнэммиппит. Хамаандабыт оҕолоро бары тэрээһини астынныбыт. Иван: «1-кы суhал кѳмѳнү сѳбүлээтим, кѳрдѳѳх күрэх этэ. Онтон эстафетаҕа хаарга сыыллыыны ыарырҕаттым, ол гынан барытын сѳбүлээтим». Харысхан: «Онтом мин мас хайытыыны олус сэргээтим уонна тоҥуу хаарга эстафетаны ыарырҕаттым».
«Мин – патриоппун» тэрээhиҥҥэ күүс- кѳмѳ, ѳйѳбүл буолбут спонсордарбыт Конон Николаевич ийэтэ Антонова Ульяна Степановна, бииргэ тѳрѳѳбүттэрэ, «Баппаҕаайы нэһилиэгэ» МТ баһылыга, ИП Н.Н.Алексеев «Силис» маҕаhыын, ИП Р.Д.Яковлева «Роза» маҕаһыын, В.В.Макаров, М.И.Афанасьева, ИП Д.Н. Егорова «Мария» чаайынай, улуустааҕы МВД үлэһиттэрэ, «Эбэ» түѳлбэ, одноклассниктар анаабыт үптэринэн кыттыбыт оҕолор сыаналаах бириистэри туттулар.
Ѳр киирсиилээх күрэхтэhии уопсай түмүгүнэн кыайыылаахтар ааттаннылар, спонсордар туруорбут сыаналаах бириистэринэн наҕараадаланнылар, бастыҥ хамаанда кубок тутта:
1 миэстэ — Баппаҕаайы оскуолатын бастакы хамаандата «Молодая гвардия», салайааччы Степанов Е.Е.;
2 миэстэ – Горнай Аhыматын Кировскай оскуолатын «Сокол» хамаандата, салайааччылар Кубаров А.А., Кузьмина С.К. ,Антонова А.А.;
3 миэстэ — Баппаҕаайы оскуолатын иккис хамаандата «Отвага», салайааччы Андреева Д.Н.
Кѳхтѳѳх кыттыыларын иhин ѳйдѳбүнньүк бэлэхтэри туттулар:
Бүлүү улууhун Хампа оскуолата «Кэскил» хамаандата, салайааччылар Павлова А.П., Николаева М.А.;
Кэбээйи улууhун (Мукучу) Танара оскуолатын «Эрэл» хамаандата, салайааччылар Волков Ю.В., Афанасьева М.В.;
Горнай улууhун (Орто Сурт) Маҕаны оскуолатын «Рысь» хамаандата, салайааччы Николаев Н.А.
Заалы киэргэппит, эҕэрдэ нүѳмэрдэри кѳрдѳрбүт, түһүмэхтэри бэлэмнээһиҥҥэ, кофе-брейк тэрийиигэ, итии аhылыгынан хааччыйыыга, сурук –бичик үлэтигэр кѳмѳлѳспүт оскуола үлэhиттэригэр, үѳрэнээччилэригэр махтанабыт.