Тойон таҥара аан дойдуну айан баран, орто дойдуга киһини, сүөһүнү оҥорбут, атын да тыынар тыыннааҕы оҥорбут.
Ону үтүктэн, Сатана оҕонньор, сир аннынан сылдьан, эмиэ уу балыгын, сир сидьиҥ үөнүн оҥорбут.
Ону көрөн, таҥара ууну илиитинэн кириэстии охсубута, балык баһыгар кириэстии унуох үөскээбит. Онтон ыла киһи балыгы сиир буолбут.
Сатана оҕонньор туран, сидьиҥ үөннэри буорунан көмөн кистээн кэбиспит. Ол иһин киһи үөнтэн сиргэнэр буолбут.
Орджоникидзе оройуона, Нөмүгү нэһилиэгэ, 70 саастаах Гаврил Александрович Васильев тылыттан Г. У. Эргис суруйбута, атырдьах ыйа, 1934 с. Хоптолоох сайылык.