Бүгүн, сэтинньи ый 25 күнүгэр, оскуола библиотекатыгар 3-4 кылаас уолаттарыгар аналлаах “Баай Байанай” диэн тэрээһин ыытылынна.
Тэрээһин сыала – саха киһитин төрүт дьарыга булт туһунан оҕолор билиилэрин чиҥэтии, өбүгэлэр үгэстэрин, булт сиэрин-туомун салгыы билиһиннэрии, айылҕаҕа тапталы, харыстабыллаах сыһыаны иитии.
Тэрээһиҥҥэ сэтинньи – Байанай ыйын туһунан иһитиннэрии оҥоһулунна. Салгыы оскуола директорын иитэр үлэҕэ сүбэһитэ Анатолий Константинович Захаров булт умсулҕанын, бэйэтин мүччүргэннээх сырыыларын туһунан кэпсээтэ, уолаттарга сиргэ, айылҕаҕа сылдьыы сиэрин-туомун билиһиннэрдэ, сүбэлэри биэрдэ. Ол кэннэ уолаттар хамаандаларынан булка сыһыаннаах таабырыннары таайыыга, булт тэриллэрин билиигэ, кыыл суолун таба таайыыга күрэхтэстилэр. Күрэх түмүгүнэн 4-б кылаас уолаттара кыайыы өрөгөйүн биллилэр.
«ОхлопковNews», Ф.Г. Охлопков аатынан Майа орто оскуолата.