Бэҕэһээ атырдьах ыйын 31 күнүгэр 3 геройдаах Байаҕантай нэһилиэгэр төрдүс геройбутун, Неустроев Алексей Михайловиһы анал байыаннай дьайыыга Россия Геройун уруйдаан-айхаллаан көрүстүбүт!
Сахабыт Өрөспүүбүлүкэтин Ил Дархана Айсен Сергеевич Николаев Алексей Неустроев дьиэ кэргэнин кытта көрүстэ.
Ону тэҥэ Алексей Неустроев нэһилиэк олохтоохторун кытта төгүрүк остуол тула ирэ-хоро кэпсэттэ. Байаҕантай нэһилиэгин аҕа баһылыга Савва Иванович Алексей Неустровка «Байаҕантай нэһилиэгин бочуоттаах олохтооҕо» диэн бэлиэни туттарда. Геройу чиэстиир күн саха эстрадатын сулустарын эҕэрдэ кэнсиэрдэринэн, банкетынан түмүктэннэ.
Вика Колодезникова, 9 кылаас, Танда, Уус Алдан