Бу күрэҕи оскуола социальнай педагога Екатерина Анатольевна Нестерева көҕүлээн, төрөппүт кэмитиэтин чилиэннэрэ уонна оҕо тэрилтэтин салайааччыта Вилена Дмитриевна Мартынова кыттыһан ыыттылар.
Дьүүллүүр сүбэҕэ үлэлээтилэр: Бөтүҥ нэһилиэгин дьаһалтатын социальнай боппуруоска специалиһа Тамара Прокопьевна Давыдова, Бөтүҥ нэһилиэгин дьахталларын түмсүүтүн салайааччыта Татьяна Григорьевна Сутакова, «Мичээр» оҕону сайыннарар киин физкультураҕа инструктора, оскуола төрөппүттэрин сэбиэтин бэрэссэдээтэлэ Марфа Михайловна Неустроева. Барыта 9 ийэ оҕотун кытта 4 тохтобулунан кэрийэн күрэхтэстилэр. Бастакы тохтобул викторина күрэһин олохтоох бибилэтиэкэ сэбиэдиссэйэ Л.А. Семенова бэлэмнээн ыытта. Иккис тохтобул «Оҕо саҥатынан» биэриини оскуола бибилэтиэкэрэ В.В. Борисова устан ыытта. Үһүс тохтобулу, караокенан ырыа түһүлгэтин, муусука учуутала Л.А. Лобанова тэрийдэ. Төрдүс саамай тыҥааһыннаах спортивнай күрэҕи физкультура учуутала К.Д.Чирикова ыытта.
Түмүккэ, алын сүһүөххэ: «Киэҥ көрүүлээх дьиэ кэргэн» I кылаастан Мавра Константиновна Шишлянникова уолунаан Айанныын, «Кэскиллээх дьиэ кэргэн» II кылаастан Алена Александровна Андреева уолунаан Аристоннуун, «Айар куттаах дьиэ кэргэн» IV «а» кылаастаан Саргылана Афанасьевна Чабыкина кыыһынаан Виолалыын, «Ырыа аргыстаах дьиэ кэргэн» IV «б» кылаастаан Ньургуйаана Николаевна Осипова уолунаан Ньургуннуун буоллулар. «Кылаан чыпчаал» үрдүк аатын алын сүһүөххэ III кылаастан Жанна Ивановна Егорова кыыһынаан Ньургуяналыын ыллылар.
Орто, улахан сүһүөххэ: «Дэгиттэр дьиэ кэргэн» V кылаастан Анжелика Романовна Никитина кыыһынаан Алиналыын, «Эйэлээх дьиэ кэргэн» VI кылаастан Елена Сергеевна Давыдова кыыһынаан Кюнняйдыын. «Билии биһигэ дьиэ кэргэн» X кылаастан Анастасия Ильинична Нестерева кыыһынаан Евдокиялыын ааттаннылар. «Кылаан чыпчаал» үрдүк аатын VII кылаастан Сахаяна Августовна Борисова кыыһынаан Айсеналыын ыллылар.
Маны сэргэ «Мин дьиэ кэргэним» уруһуй, «Кимтэн кииннээх, хантан хааннаах» төрүччү быыстапката киэҥ сэҥээриини ылла. Арассааданан оҕуруот аһа, сибэкки арааһа атыыланна.
Бары миэстэлэспит дьоммутугар, кэлэн быыс булан кыттыыны ылбыт төрөппүттэрбитигэр истиҥ махталбытын тиэрдэбит. Дьиэ кэргэҥҥит дьол уйата буоллун. өрүүтүн оҕолор тула үрүҥ күн күлүмнүү тыгыахтын, кэлэр ыччат кэскилэ кэҥээтин, саргыта салалыннын!
Нарыйа Иванова, Сайнаара Яковлева, VII кылаас,
Н.Е. Иванов аатынан Бөтүҥ орто оскуолата, Амма улууһа