Бүлүү улууһун эдэр кэрэспэдьиэннэрин медиафорума сыл саҕаланыыта буолан ааспытын туһунан Г.И. Чиряев аатынан 1 №–дээх орто оскуола 7-с кылааһын үөрэнээччитэ Женя Руфова суруйар.
Быйыл Бүлүү улууһун эдэр кэрэспэдьиэннэрин медиафорума бүтүн Россия бэчээтин күнүгэр ананан ыытылынна. Эдкорпостар оскуола хаһыатын уонна бырайыак оҥоруутугар күрэхтэстилэр.
Хаһыат күрэҕэр Г.И. Чиряев аатынан 1 №–дээх оскуола “Ориентир” пресс-киинэ бастаата. II миэстэни “Көмүс бөрүө” (М.А. Алексеев аатынан Баппаҕаайы орто оскуолата), III миэстэни “Ньургуһун” пресс-киин (Хампа орто оскуолата) ыллылар.
Бырайыак көмүскээһинигэр Ш миэстэҕэ “Шар” оҕо хамсааһынын хамаандатын Н.И. Протопопова аатынан “Кэскил” оҕо айар тобулар дьарыгын сайыннарар киин, II “Шар” оҕо хамсааһынын хамаандата уонна “Репортер” Н.И. Протопопова аатынан “Кэскил” оҕо айар тобулар дьаҕыгын сайыннарар киин, III “Ровесник” Г.С. Донской аатынан орто оскуола пресс – киинэ тигистилэр.
Сылын аайы ситиһиилээх эдэр кэрэспэдьиэн оҕолорго Бүлүү улууһун бочуоттаах олохтооҕо, Россия суруналыыстарын сойууһун чилиэнэ Мотрена Никитична Дорофеева аатынан анал стипендияны кини төрөппүт оҕолоро туттараллар. Бу стипендияҕа Настя Никифорова, Г.И. Чиряев аатынан 1 №–дээх орто оскуола «Ориентир” пресс-киинин эдэр кэрэспэдьиэнэ (сал. М.К.Ионова) уонна Аля Дмитриева, “Ровесник” Г.С. Донской аатынан орто оскуола пресс – киинин эдэр кэрэспэдьиэнэ (сал. Нь.А.Иванова) тигистилэр. Түгэнинэн туһанан, Мотрена Никитична Дорофеева төрөппүт оҕолоругар махталбытын тиэрдэбит.
«Олох суола” улуус хаһыатын редакцията (сал И.Н.Загитова) уонна Н.И. Протопопова аатынан “Кэскил” оҕо айар тобулар дьарыгын сайыннарар киин (сал. С.А. Васильева) сылын аайы эдкорпостарга медиафорум тэрийэн, улууспут киэн туттар суруналыыстарын Н.А. Крылов, М.Н. Дорофеева анал стипендияларын анаан оҕо суруналыыстыката сайдарыгар төһүү күүс буолаллар.