Ол курдук Надя Павлова финалга тыҥааһыннаах киирсии кэннэ 2-с миэстэни ылан үрүҥ көмүс мэдээли, Харысхан Колтовской 3-с миэстэҕэ тахсан боруонса мэдээли Арассыыйа сүүмэрдэммит хамаандатыгар аҕаллылар. Оҕолор Г.С. Донской аатынан Бүлүүтээҕи 2-с нүөмэрдээх оскуолаҕа үөрэнэллэр уонна В.Г. Румянцев аатынан Бүлүүтээҕи ДЮСШ иитиллээччилэрэ буолаллар.
Тренер Георгий Халабышев бэйэтин Инстаграм страницатыгар бу күрэххэ баралларыгар күүс-көмө буолбут дьонугар махтал тылларын суруйбут: «Европаҕа күрэхтэһиигэ барарбытыгар күүс-көмө буолбут улуустааҕы үөрэҕэрии салалтатын салайааччытын Семенова Наталья Михайловнаҕа, улуустааҕы спорткомитет салайааччытыгар Евсеев Гаврил Степановичка, Бүлүүтээҕи ДЮСШ дириэктэригэр Нифонов Виктор Валерьевичка, оскуолабыт кэлэктиибигэр, директэр Колтовской Александр Иннокентьевичка, Бүлүүгэ кик-боксинг сайдыытыгар үлэлэһэр спорт бэтэрээнигэр Григорьев Александр Яковлевичка уонна улууспут баһылыгар Винокуров Сергей Николаевичка улахан махталбытын тириэрдэбит!».
Эҕэрдэҕэ Бүлүү улууһун дьаһалтата эмиэ кыттыһар. Маладьыастар!