Бүгүн, тохсунньу 22 күнүгэр, Саха Өрөспүүбүлүкэтин Ил Дархана Айсен Сергеевич Николаев 50 сааһын томточчу туолар үбүлүөйдээх төрөөбүт күнэ.
Убаастабыллаах Айсен Сергеевич!
Николай Егорович Мординов-Амма Аччыгыйа аатынан «Кэскил» оҕо бэчээтин кыһатын аатыттан 50 сааскын туолар үөрүүлээх үбүлөйгүнэн итиитик-истиҥник эҕэрдэлиибит!
Дьоҥҥор-сэргэҕэр истиҥ сыһыаҥҥын, сырдыгынан сыдьаайар үтүө санааҕын, бастыҥ майгыгын, дьаныардаах үлэҕин-хамнаскын биһириибит, дьоһуннаах ситиһиилэргиттэн үөрэбит, Эйигинэн киэн туттабыт, холобур оҥостобут!
Эдэрдии эйэҕэс дууһаҕынан, булгуруйбат сайаҕас санааҕынан, соргулаах сүбэҕинэн, чугас дьонуҥ сылаас мичээрдэригэр угуттанан үгүс үөрүүлээх сырдык күннэн, уһун уруйдаах олохтон диэн алгыыбыт!
Өрөспүүбүлүкэбит ыччата сайдарын, үүнэрин туһугар ыытар үлэҕит хайҕаллаах, биир санаанан салайтаран инникитин үүнэр көлүөнэ туһугар уурар толуктарбыт, санааларбыт, былааннаабыт үлэбит кэскиллээх буоллун
Үбүлүөйгүнэн, биһиги Ил Дархаммыт!