Сэтинньи 15 күнүгэр Бүлүүтээҕи И.М. Гоголев-Кындыл аатынан библиэтэкэтигэр «Күн» оҕо түмсүү улуус оҕолорун кытта көрсүһүү буолла. Тэрээһиҥҥэ Бүлүү улууһуттан 120 оҕо муһунна.
![](https://keskil14.ru/wp-content/uploads/2023/11/18ebafd8-0393-4940-b703-a83b40123abd-1024x771.jpg)
![](https://keskil14.ru/wp-content/uploads/2023/11/1c99cd4c-ea3a-4ebb-ad7c-58a5f1bcfd23-1-1024x771.jpg)
Тэрээһин сыала –соруга: улууска төрөөбүт тылбытын өрө тутар үлэни оҕолорго күүһүрдэн, ону иилиир «Күн» хамсааһынын тэрийии.
![](https://keskil14.ru/wp-content/uploads/2023/11/1aa2a946-393e-4a28-85d2-a84579f2438a-1024x771.jpg)
![](https://keskil14.ru/wp-content/uploads/2023/11/f15fd827-8e61-4488-9cef-c2f92e605951-1024x771.jpg)
Бүлүүтээҕи эдэр ыччат библэтиэкэтигэр сарсыардаттан «Күндүмэн» түмсүү оҕолоро ыалдьыттары алгыстаах алаадьыннан айах тутан көрүстүлэр. Көрсүһүү Тамара Фомина алгыһынан саҕаланна. Оҕолору Бүлүү куоратын главата Ян Анатольевич Попов, Бүлүү үөрэҕэриитин салайааччыта Наталья Михайловна Семенова эҕэрдэлээтилэр. Наталья Михайловна бэйэтин этиитигэр төрөөбүт тылы харыстыыр бириэмэ кэлбитин уонна хамсааһын суолтата олус улаханын туһунан тоһоҕолоон бэлиэтээтэ уонна «Саха тыла сайдыан баҕарабын, саха тыла сайдыа диэн эрэнэбин» Платон Ойуунускай тылларынан түмүктээтэ.
![](https://keskil14.ru/wp-content/uploads/2023/11/ba7796d1-e677-42a6-9668-e3dd9c939bd2-768x1024.jpg)
«Күн» түмсүү оҕолоро, өрөспүбүлүкэтээҕи лицей-интернат үөрэнээччилэрэ, түмсүү хайдах тэриллибитин кэпсээтилэр. Киһи үөрүөн иһин салайааччылара Степан Васильевич Софронов уонна үгүс оҕолоро Бүлүүттэн төрүттээх эбиттэр. Үөрүүлээх аһыллыы кэнниттэн оҕо бырайыак үлэтэ саҕаланна.
Джулианна Дорофеева,«Репортер» медиакиин
Н.И. Протопопова аатынан «Кэскил» киин, Бүлүү к.