Быйылгы үөрэх дьылыгар Г.И. Чиряев аатынан 1 № — дээх орто оскуолатыгар “Аргыс-айан” бырайыак үлэтин саҕалаата. Бырайыак хас да хайысхалаах. Сүрүн сыала – соруга айылҕаны кытта алтыһыы, сиэри –туому тутуһуу уонна Саха сирин бэлиэ сирдэринэн айан нөҥүө төрөөбүт кыраайы үөрэтии. Бырайыакка 7 учуутал араас хайысханан үлэлиир. Бу оскуола үөрэнээччитэ Алена Никифорова суруйар.
Элбэҕи билэн, дуоһуйа сынньанан кэллибит
“Аргыс” бырайыак чэрчитинэн биһиги, 5 Б кылаас үөрэнээччилэрэ, Сунтаар улууһугар баран кэллибит. Биһигини салайан илдьэ сырыттылар А.В. Яковлева, эбии үөрэхтээһин салайааччыта, М.Н. Борисова, оҕо хамсааһынын салайааччыта, Нь.И. Филиппова, саха тылын уонна литературатын учуутала. Айаннаан иһэн үс улуус аартыгар тохтоон, бэлиэ сирдэригэр алаадьы ууран, хаартыскаҕа түһэн аастыбыт. 
Элгээйигэ П.Х. Староватов аатын сүгэр орто оскуолаҕа сырыттыбыт. Бу икки этээстээх таас саҥа оскуолаҕа 5 кылаас үөрэнээччилэрин кытта көрүстүбүт. Көрсүһүүгэ кинилэр оскуолаларын туһунан кэпсээтилэр, биһиги кылаастан Алена Никифорова, Аэлита Алексеева Г.И. Чиряев олоҕун, үлэтин туһунан кэпсээтилэр. Салгыы Б.Н. Андреев аатын сүгэр региональнай экологическай мусуойга бардыбыт. Манна аан дойду араас хамсыыр харамайдарын чуучулаларын көрдүбүт. Африка кыыллара — жирафа, хахай, леопард, эбисийээнэлэр бааллар. Антарктида кыыллара пингвиннэр хас да араастара, альбатрос киэц далааһыннаах кыната сөхтөрдүлэр. Хайаҕа олорор кыыллары илэ харахпытынан көрөн астынныбыт.
Бу кэннэ С.А. Зверев –Кыыл Уола аатынан мусуойга сылдьан элбэҕи биллибит –көрдүбүт. Мусуой таһыгар тахсан бары Сергей Афанасьевич туруорбут оһуор үҥкүүтүттэн быһа тардан, флешмоптаатыбыт.
Салгыы Устья диэн дэриэбинэҕэ «Тещин язык” сааратар-сынньанар комплекска бардыбыт. Аарыма эһэни, дьэрэкээн өҥнөөх павлины уонна да атын кыыллары тыыннаахтыы саҥа көрөн, олус сөхтүбүт. Үрдүк сыыртан хатыыскалаан түстүбүт. Хаҥкылыыр муустара көҕөрөн көстөр наһаа ыраас этэ. Оонньуурга, сынньанарга бэртээхэй сир эбит. Олус сөбүлээтибит, астынныбыт, дуоһуйа сынньанныбыт. Ити курдук “Айан аргыс – 2021” бырайыак бастакы кыттааччылара буоларбытынан киэн туттабыт. Салайааччыларбытыгар Анна Васильевнаҕа, Ньургуйаана Ивановнаҕа, Марина Николаевнаҕа махтанабыт.