Бүлүү эҥээр улуустар эдэр кэрэспэдьиэннэрин өрөспүүбүлүкэтээҕи сүлүөтэ

2011 сылтан ыла Бүлүү бөлөх улуустар эдкордарын түмэн, региональнай сүлүөтү ыытар үгэс олохсуйбута.

2017 сыллаахха Бүлүү улууһун Баппаҕаайы оскуолатыгар  “Көмүс бөрүө” эдкорпост ыыппыт сүлүөтүгэр Ньурба “Калейдоскоп” устуудьуйата  кыайыылаах тахсан, көһөрүллэ сылдьар Кубогы  туппута уонна быйылгы сүлүөт кинилэргэ, Ньурбаҕа,  ыытыллар буолбута.

 Тэрийээччилэр:  Амма Аччыгыйын аатынан “Кэскил” оҕо бэчээтин өрөспүүбүлүкэтээҕи кыһата, Ньурба улууһун үөрэҕин управлениета,  «Саха» НКИХ Ньурбатааҕы филиала, “Ньурба”, “Ньурба уоттара” хаһыаттар редакциялара, оҕоҕо аналлаах наука-тиэхиньикэ Ньурбатааҕы киинэ.

Буолар күнэ-дьыла, миэстэтэ: 2019 сыл кулун тутар 13-14 күннэрэ,   Ньурбатааҕы оҕо научнай-техническэй киинэ.

Кытталлар: Бүлүү эҥээр улуустар эдэр кэрэспэдьиэннэрин оскуолатааҕы пресс-кииннэрин (постарын, литературнай куруһуоктарын, устуудьуйаларын) эдэр кэрэспэдьиэннэрэ. Биирдии оскуолаттан  5-тэн элбэҕэ суох  киһилээх хамаанда кэлэр.

Уопсай ирдэбил:

• Айаннарын ороскуотун кыттааччылар бэйэлэрэ уйуналлар.  Эппиэтинэһи салайан аҕалар учуутал сүгэр. Остолобуойга харчыга аһыыллар. Ыраахтар биир күн эрдэ кэлиэхтэрин сөп. Утуйар таҥастаах (постельное белье). Гараж, хонор сир боппуруоһун 89142869646  нүөмэртэн эрийэн чопчулаһыҥ;
• хас биирдии кыттааччы “Кэскил” эбэтэр “Юность Севера” хаһыаттарга 2019 сыл бастакы аҥаарыгар сурутуулаах буолуохтаах. Квитанцияларын регистрацияҕа көрдөрөллөр;
•  сүлүөккэ кыттыы төлөбүрэ – 200 солкуобай. Ол тэрийэр оскуолаҕа бэриллэр;
• хамаандалар  эҕэрдэ нүөмэрдээх кэлэллэрэ ирдэнэр;
• биир тэҥ таҥас (форма) биһирэнэр;
•     кыттар оскуолалар сайаапкаҕытын 2019 с. олунньу 25 күнүгэр диэри  cdod.nyurba@mail.ru аадырыска ыытаҕыт. Онно оскуола, салайааччы, эдкордар ааттара толору суруллар, төлөпүөҥҥүт нүөмэрэ, ханнык көрүҥҥэ кыттаргыт ыйыллар.

              Ыытыллар тэрээһиннэргэ ирдэбиллэр:

• Айар үлэ күрэҕэ. “Бэргэн” оҕо пресс-агентствота Сомоҕолоһуу сылыгар анаан биллэрбит “Бары бииргэ” сорудаҕынан үлэ (балаһыанньата манна баар https://keskil14.ru/bol-oju-bary-biirge-kuonkurus). Өйдөөҥ: биирдии кыттааччыттан – биир  үлэ. Хаһы да аҕалбаккыт. Үлэлэри регистрациялыырга  туттараҕыт.
•  Уопут атастаһыытын өр сыл үлэлээбит пресс-кииннэр (постар, устуудьуйалар, куруһуоктар) саҥа тэриллибит постарга анаан ыыталлар, үлэлэрин билиһиннэрэллэр. Уопутун кэпсээччигэ — өрөспүүбүлүкэ таһымыгар уопуту тарҕаппытын туоһулуур сертификат. Экран, проектор, көмпүүтэр баар буолуоҕа.
• “Кэскил” балаһаларынан квест-оонньууга хамаанданан кытталлар. Хаһыат историятын, рубрикаларын үөрэтэн кэлэллэр.
•  Фотокроссинг күрэҕэр кыттарга үчүгэй фотоаппарааттаах кэлэргит ирдэнэр. Сорудахтара: 1. “Кэскил” хаһыаты рекламалыыр хаартыска. 2. Социальнай хаартыска. 3. Ньурба куоратын ураты көстүүтэ. 4. Мэтириэт—“Мичээр”. 5. Айылҕа көстүүтүн макро-түһэрии.
•  Мультимедийнай суруналыыстыка чемпионатыгар бастыҥ оператор, монтажер, сценарист, лонгрид о.д.а. быһаарыллар. Үчүгэй видеокамераны илдьэ кэлэргит ирдэнэр.

                   Наҕараадалааһын:

• Сүлүөккэ кыттыбыттар эдкордар  бары сертификат туталлар;
• Уопуту тарҕатыыга кыттыбыт учууталларга  сертификат бэриллэр.
• Айар үлэ куонкуруһугар, мультимедийнай суруналыыстыка чемпионатыгар, фотокроссинг күрэҕэр, квест-оонньууга миэстэлэспиттэргэ — бириис, грамота, “Океан” лааҕырга, “Сосновый бор” чэбдигирии киинигэр путевкалар;
• Кыттааччылар төһө бэлэмнээхтэрин, көхтөөхтөрүн көрөн, бастаабыт хамаанда быһаарыллар. Көһөрүллэ сылдьар Кубок бастаабыт пресс-кииҥҥэ бэриллэр уонна  аны  2 сылынан кэлэр сүлүөт ол оскуолаҕа ыытыллар.

Мунаахсыйар ыйытыыларгытын 89142387977 нүөмэрдэргэ эрийэн билсиҥ.