Бүлүү улууһун М.А.Алексеев аатынан Баппаҕаайы орто оскуолатыгар Космонавтика күнүн …ракета ыытан бэлиэтээтилэр. Бу туһунан сонуну «Кɵмүс бɵрүɵ» пост эдкора, 8 кылаас үөрэнээччитэ Анастасия Степанова суруйда.
Бүгүн муус устар 12 космонавтика күнүгэр анаан, 5 кылаас оҕолоро физика учуутала Федорова Татьяна Васильевналыын бэйэлэрэ оҥорбут үс ракеталарын халлааҥҥа кɵтүттүлэр.
Ракетаны хайдах кɵтүппүттэрин туhунан Татьяна Васильевнаттан ыйыталаhан билбиппинэн, маҕаhыыҥҥа анал буорахтаах «патрончик» атыыланарын ылан, ракета кутуругар иилбиттэр. Онтон нихромовай проводунан шуруповерт аккумуляторыгар холбууллар. Аккумуляторга кнопка баттаатахха, провод устун сэрээт ыытар, кыым (искра) биэрэн, «патрончик» буораҕын уматар.
Ол эстэн, ракетаны үɵhэ кɵтүтэр. Ракетаны А-4 ɵҥнɵɵх кумааҕыттан анал шаблонунан оҥорбуттар. Ракеталара эмискэ буруолаабытынан үɵhэ кɵтɵн, 50 м ыраахха диэри тиийэн эстэн, иhиттэн парашют (килэбэчигэс бэлэххэ туттуллар суу) аа — дьуо түспүтэ. Мустубут оҕолор астына кɵрдүлэр: ракета хайдах кɵтɵн тахсарын биллэхтэрэ.
Космос туhунан ɵйдɵбүл хааларын курдук, оҕолор хаартыскаҕа түhэллэригэр анаан фотозона оҥорбуттар.
