Бу үөрэх сылыгар Мэҥэ-Хаҥалас улууhугар Иитии концепциятын «Манчаары сиэттэрэ» бырайыагын чэрчитинэн сахалыы остуол оонньууларын (хабылык, хаамыска) бастакы онлайн-күрэҕэ бэрт тыҥааhыннаахтык ааста!
Барыта 16 оскуолаттан 80 оҕо кыттыыны ылла. Чемпион үрдүк аатын Лера Сергеева, Вася Захаров, Аэлита Алексеева, Ян Захаров, Нелли Емельянова, Артем Сергучёв сүктүлэр.
Остуол оонньууларын улуустааҕы федерациятын аатыттан тренердэргэ, төрөппүттэргэ, судьуйаларга Аргунов Г. Д., Тастыгин П. Н, Рожина О. Н, Назарова И. И, Петров О. В., күрэх сүрүн судьуйатыгар Попова Е. Н. улахан махталбытын тиэрдэбит.
Өбүгэбит оонньуулара хабылык, хаамыска оҕо сайдыытыгар улахан туhалаахтар. Оҕо түргэнник толкуйдуу, сымсатык хамсана уөрэнэр, ону таhынан буочара тупсар, ааҕыытын темпэтэ кытта тургэтиир, доруобуйата тупсар.
Онон, оҕолоор, хабылыктааҥ, хаамыскалааҥ! Этноспорт биир көрүҥүн өссө сайыннарыаҕыҥ, аар-саарга аатырдыаҕыҥ!
Екатерина Попова, Бэдьимэ оскуолатын дириэктэри солбуйааччы,
Мэҥэ-Хаҥалас.