Бүгүн, алтынньы 20 күнүгэр, дойду үрдүнэн Аҕа күнэ бэлиэтэнэр. Ол туһунан уурааҕы Россия Бэрэсидьиэнэ Владимир Путин 2021 сыллаахха алтынньы 4 күнүгэр илии баттаабыта. Аҕа күнэ алтынньы ый үһүс өрөбүлүгэр бэлиэтэнэр.
Бу күн биһиги Сахабыт сиригэр Ийэ күнэ бэлиэтэнэр. Онон бүгүн Саха сирин олохтоохторугар икки бүк бырааһынньык буолар.
Онтон Саха сиригэр Аҕа күнэ муус устар маҥнайгы өрөбүлүгэр 1999 сыллаахтан бэлиэтэнэр. Саха Өрөспүүбүлүкэтин вице-бэрэсидьиэнин 2002 сыл кулун тутар 22 күнүнээҕи 30-ВП №-дээх дьаһалынан «Ытык аҕа» Бэлиэ олохтоммута. Бу Бэлиэнэн хас сыл аайы, муус устарга, элбэх оҕолоох аҕалар кэнчээри ыччаты иитиигэ-үөрэтиигэ ситиһиилэрин, өрөспүүбүлүкэ олоҕор сүҥкэн, көхтөөх кыттыыларын, тус бэйэлэрин чөл олохтоох холобурдарын иһин наҕараадаланаллар.
Күндү аҕаларбытын, эр хоһууннарбытын истиҥник Аҕалар күннэринэн эҕэрдэлиибит! Өрүү доруобай буолуҥ, чэгиэн сылдьыҥ, олох куһаҕаннарыгар охтон, түһэн биэримэҥ, аттыбытыгар дурда-хахха буолуҥ!
keskil14.ru