Н.Е. Мординов-Амма Аччыгыйа аатынан «Кэскил» оҕо бэчээтин кыһата «Азия оҕолорун» көрсө саҥа куонкуруһу биллэрэр.
Оҕо саадын оҕолоро уонна оскуола үөрэнээччилэрэ үс бөлөххө арахсан кытталлар: 1 бөлөх – 2-6 саастаахтар; 2 бөлөх – 7-12 саастаахтар; 3 бөлөх – 13-17 саастаахтар.
Куонкурус сорудаҕа: Спорт, доҕордоһуу, кыайыы тиэмэтигэр аналлаах сувенир-оонньуурдары оҥорон биһиэхэ ыытаҕыт. Оҥоһук тупсаҕайа, тас көстүүтэ, ис хоһооно, оҥоруутун уустуга учуоттаныаҕа.
Хас биирдии кыттааччы «Чуораанчык», «Колокольчик», «Бэлэм буол», «Юность Севера» сурунаалларга, «Кэскил» хаһыакка (мантан бэйэтэ талар) 2024 сыл бастакы аҥаарыгар сурутуулаах буолуохтаах.
Үлэлэргитин Дьокуускай к., Орджоникидзе уул. 31 №-дээх дьиэтигэр (Бэчээт дьиэтэ), 205 хоско күүтэбит.
Куонкуруска кыттыы болдьоҕо – 2023 с. сэтинньи 15 күнүттэн — 2024 с. тохсунньу 15 күнүгэр диэри.
Бөлөхтөрүнэн бириистээх миэстэлэр, анал номинациялар баар буолуохтара. Хас биирдии кыттааччыга – сертификат.
Бастыҥ сувенир-онньуурдары «Азия оҕолоро» VIII Аан дойдутааҕы спортивнай оонньуулар кыттыылаахтарыгар бэлэх быһыытынан туттарыахпыт.
Сиһилии 89618682261, 89141004539 төл. билсиҥ
Куонкурус балаһыанньата