Бүгүн ууга харбааһын финалыгар биир дойдулаахпыт Владислав Адасько 200 миэтэрэҕэ көхсүнэн устууга боруонса мэтээли ылла! Бу Саха сирин хамаандатыгар бастакы мэтээл буолар!
Cпортсмены чаҕылхай ситиһиитинэн Ил Дархан Айсен Николаев бэйэтин Телеграм ханаалыгар эҕэрдэлээтэ.
Владислав 10 кылаас үөрэнээччитэ, былырыын спорт маастарын нормативын толорбут. Тренердара — Виктория Гринь уонна Олег Лапшин.
Санатар эбит буоллахха, «Азия оҕолоругар» Саха сириттэн уопсайа 120 спортсмен 18 көрүҥҥэ кыттыыны ылар.
Спортсмен оҕолорбутугар ситиһиилэри баҕарабыт!
keskil14.ru
Андрей Сорокин хаартыскалара.