«Азия оҕолоро»: Алыш күрэҕин түмүктүүр күнэ

Бүгүн, от ыйын 4 күнүгэр, «Өрөгөй» спортивнай комплекска алыш күрэҕэ түмүктэннэ. Алыш «Азия оҕолорун» оонньууларыгар бастакытын демонстративнай көрүҥ быһыытынан ыытылынна. «Азия оҕолорун» оонньууларыгар алыш көрүҥэр Кыргызстан, Казахстан, Азербайджан, Пакистан, Монголия, Таджикистан, Грузия курдук тас дойдулартан хамаандалар кииристилэр. Арассыыйаттан Саха сирин икки хамаандата кытынна. Алыш түмүгэ уопсай хамаанда зачётугар киирбэт эрээри, миэстэлэспит спортсменнары мэдээлинэн наҕараадалаатылар.

Алыш диэн кыргыз норуотун тустуута буолар. Кыттааччы утарылаһааччытын курун ыыппакка эрээри охторуохтаах. Урут Саха сиригэр алыш курдук көрүҥ «курдаһан тустуу» киэҥник биллэр этэ. Бу көрүҥҥэ Саха сиригэр күрэхтэһиилэр ыытыллаллара.

Саха сирин бастакы сүүмэрдэммит хамаандатыттан Данил Пинигин 60 киилэҕэ үрүҥ көмүс мэтээли ылары ситистэ. Кыргыттарга 45 киилэҕэ кыһыл көмүс мэтээл хаһаайкатынан Эдьигээн оройуонуттан Александра Филиппова буолла.

Саха сирин иккис сүүмэрдэммит хамаандатыттан 50 киилэҕэ Милена Гаврилова, 40 киилэҕэ Ирина Кейметинова үрүҥ көмүс мэтээли, 40 киилэҕэ Алена Иванова боруонса мэтээли аҕаллылар.

Биһиги саха спортсменнарын кытта кэпсэттибит. Данил Пинигин Д.П. Коркин аатынан Чурапчы өрөспүүбүлүкэтээҕи спортивнай орто интэринээт-оскуолаҕа үөрэнэр. Кини тустуунан дьарыктанар, быйыл саҥа Алыш диэн көрүҥү кытта билсэн, биир ый дьарыктаммыт. Уонна бу «Азия Оҕолорун» оонньууларыгар кыттыбыт. Тренеригэр Михаил Алексеевич Явловскайга уонна дьиэ кэргэнигэр махталын тиэрдэр. Кини тренерэ уонна дьиэ кэргэнэ саамай улахан өйөбүлэ буолаллар. Кини санаатыгар, спортсмен күүстээх санаалаах буолуохтаах уонна күүскэ дьарыктаныахтаах.

Александра Филиппова кыайан-хотон олус астыммыт: «Тренердэрим, аҕам миигинэн киэн тутталларыттан олус үөрэбин«, — диир. Кини икки нэдиэлэ устата дьарыктаммыт, бэйэтэ тустуунан дьарыктанар буолан алыш күрэҕэр ситиһиилэммит. Александра этэринэн, алышка тутан ылыы, таҥнары тутуу, бырааҕыы сүрүн туттуулар буолаллар. Хамаандатыгар, тренеригэр махталын тиэрдэр.

Уопсай түмүк

Уолаттарга

50 киилэҕэ:

1. Камалов Максат (Кыргызстан)
2. Патта Ильяс (Казахстан)
3. Наранбаяр Агааноров (Монголия)

55 киилэҕэ:

1. Абданбек Жалгасбек (Казахстан)
2. Акылбеков Абдулазиз (Кыргызстан)
3. Мунгунхуяг Дагвадорж (Монголия)

60 киилэҕэ:

1. Баянблд Эрдэнэмандах (Монголия)
2. Пинигин Данил (Россия, Республика Саха (Якутия)-1)
3. Бузаладзе Гига (Грузия)

65 киилэҕэ:

1. Болатбек Абылайхан (Казахстан)
2. Асгарли Али (Азербайджан)
3. Ганселем Саинзая (Монголия)

70 киилэҕэ:

1. Хассан Али (Пакистан)
2. Урдумаматов Муса (Кыргызстан)
3. Пирназаров Мухаммаджон (Таджикистан)

Кыргыттарга

40 киилэҕэ:

1. Насипбек Нурханша (Казахстан)
2. Кейметинова Ирина (Россия, Республика Саха (Якутия)-1)
3. Иванова Алена (Россия, Республика Саха (Якутия)-2)

45 киилэҕэ:

1. Филиппова Александра (Россия, Республика Саха (Якутия)-1)
2. Маамбетова Перизат (Кыргызстан)
3. Ерденетур Шинетсетсег (Монголия)

50 киилэҕэ:

1. Данкина Молдир (Казахстан)
2. Гаврилова Милена (Россия, Республика Саха (Якутия)-2)
3. Минсинсор Чулуунбаатар (Монголия)

55 киилэҕэ:

1. Номин Эрдэнэ (Монголия)
2. Жиенбаева Кадиша (Казахстан)
3. Баширли Фидан (Азербайджан)

Кыттааччыларга итии-истиҥ эҕэрдэ, өссө да үрдүк ситиһиилэри баҕарабыт!

Джулианна Дорофеева, Гаврил Прокопьев, Нелли Шарина, «Азия оҕолорун» эдэр корреспонденнарын пресс-киинэ