Учуутал күнүгэр анаан «Үктэл» оҕо тэрилтэтэ, Егор Аммосов (11 кылаас) лидердаах учууталларбытын эҕэрдэлээн үөрүүлээх линиэйкэ оҥордубут. Ытыктабыллаах ыалдьыт Арыылаах нэһилиэгин Баһылыга Руслан Николаевич Бойко эҕэрдэлээтэ, бочуотунай грамоталары ситиһиилээх учууталларга туттарда. СӨ үөрэҕин министрествотын уонна наукатын Махтал суруктарын эдэр учууталларбытыгар Сахаяна Николаевна Неустроеваҕа, Маргарита Александровна Колесоваҕа, Игорь Михайлович Слепцовка туттардылар.
Айталина Ильинична Бурнашева СӨ туйгуна бэлиэни ылла. Учууталларбытын бу үрдүк ситиһиилэринэн өссө төгүл эҕэрдэлиибит.
Бу күн учууталларга анаан оҥорбут открыткаларбытын учууталларбытыгар бэлэх ууннубут, бэйэбит астаабыт минньигэс кекстарбытынан күндүлээтибит, «Учууталбар» ырыаны ыллаатыбыт. Убаастыыр учууталларбыт куруук үөрэ-көтө эйэлээх олоххо уһуннук олоруҥ, элбэх ситиһиилэри баҕарабыт.
Илларион Старостин,
X кылаас,
Арыылаах агро хайысхалаах оскуолата,
Дьааҥы.