Бүгүн, алтынньы 15 күнүгэр, Чурапчы улууһун Т.М. Каженкин аатынан Арыылаах орто оскуолатыгар биир ураты, үөрүүлээх тэрээһин ыытылынна.
10 кылаас бастыҥ, оскуолабыт холобур туттар үөрэнээччитэ Ваня Попов, оскуола оҕолорун эрэлин 100% ылан, оскуола президенинэн талыллан, дуоһунаска киирии инаугурациятын үөрүүлээх чааһа ыытылынна.
Ааспыт үөрэх дьылыгар президеннээбит Маша Демьянова дуоһунаһын саҥа салайааччыга туттаран, алгыс тылларын анаата. Оскуола директора Е.Г. Егоров эҕэрдэлээтэ, ситиһиилээх үлэни баҕаран туран, үгэскэ кубулуйбут уруучука бэлэҕин туттарда.
Ити курдук аҕыйах ахсаанаах үөрэнээччилээх эрээри, ньиргиччи үлэлии турар Арыылаахпыт оскуолата күннэтэ сайдарын, олох тэтимин тутуһан инники эрэллээхтик хардыылыырын туһугар учууталлыын оҕолордуун тутуспутунан үлэлэһэбит.
Роберт Барашков, 6 кылаас үөрэнээччитэ Арыылаах, Чурапчы.
keskil14.ru