Кэбээйи улууһун Мукучу нэһилиэгин И.Е.Левин аатынан Танара орто оскуолатын «Бэдэр» байыаннай уонна дойдуга бэриниилээх буолуу кулуубун иитиллээччилэрэ бу дьыл алтынньы 2 күнүгэр умайбыт ойууру чөлүгэр түһэрэр улахан кэскиллээх үлэҕэ кыттыыны ыллылар.
Мукучуттан 2 аҥаар көстөөх ыраах сытар Алыһардаах күөл таһыгар баар бэс тыата хас да сыллааҕыта ойуур баһаарыгар умайбыта. Ол баһаар барбыт сиригэр оҕолор 40-нуу бэрдьигэстэри олортулар. Уопсайа бу күҥҥэ 3 балаһанан 400 бэс мас буолуохтаах үнүгэстэрин олордуу ыытылынна.
Уhук Илиннээҕи ООО «ДАЛЬЛЕСПРОЕКТ» генеральнай дириэктэрэ, биир дойдулаахпыт, Гоголев Алексей Николаевич бу 400 бэрдьигэстэри Екатеринбург куораттан тиэйтэрэн аҕалтарбытыгар, Мукучу нэһилиэгэр биир улахан көдьүүстээх көмөнү оҥорбутун иһин, истиҥ махталбытын биллэрэбит.
Оҕолорбут бу күн инчэҕэй хаар түһэ турарын аахсыбакка, үтүө, кэскиллээх үлэҕэ, умайбыт ойууру чөлүгэр түһэриигэ, кыттыбыттарыттан долгуйа үөрэбит. Танара орто оскуолатын дириэктэрэ Е.П.Эверстов, «Точка Роста» киин салайааччыта В.Н.Николаева оҕолору иилээн-салайан илдьэ сырыттылар.
Оҕолор үүннэрбит үнүгэстэрин сыл аайы кэтээн көрө, харайа сылдьыахтаахтарын өйдөөтүлэр уонна маннык хабааннаах тэрээһиннэргэ өрүүтүн кытта туруохпут диэн эрэннэрдилэр.
«Бэдэр» байыаннай уонна дойдуга бэриниилээх буолуу кулууба, салайааччы В.Н.Николаева