Туох эрэ бобуута суох диэн дойду суох. Көннөрү итинтэн сорохторо, биһиги көрүүбүтүгэр дьиибэ соҕустар. Билэ охсуохха сиһилии, хайа дойдуга туох бобулларын. Арай эһиги ханна эрэ бараары хомуннаххытына, бу дойду сокуонун билэр, тутуһар мэһэй буолуо суоҕа диэн өйдөтөбүт, төһө да биһиэхэ дьикти буолбутун иһин.
Египет
Бу дойдуга эһиги биирдэ эрэ сылдьыбатаххыт. Арай аэропорт аттыгар биноклунан чыычаахтары сөбүлүү көрүөххүтүн баҕардаххытына, оннук гына сатаамаҥ! Эһиги тутуллуоххутун сөп, оннооҕор хаайыыга киириэххит судаарыстыбаннай авиацияны үспүйүөннээһиҥҥэ.
Сингапур
Ким “Орбит сахара суоҕу” ыстыыр накаастанар. Манна ыстыыр эрэһиинэни таһар уонна туттар бобуллар. Бу быраабылла 1992 сылтан үлэлиир. Бу дойдуга ыас доруобуйаны күүскэ буортулууругар, тулалыыр эйгэни киртитэригэр эрэллээхтэр.
Англия
Көбүөрү уулуссаҕа тэбиир, ыраастыыр көҥүллэммэт. Өйдөөҥ, араас түгэҥҥэ: өскөтүн эһиги иллэҥ кэмҥитигэр итинэн дьарыктанар буоллаххытына, ону сарсыарда 8 чааска дылы оҥоро сатыахтааххыт.
Хороҕор муостаах сүөһүнү уулуссаҕа сарсыарда 7 чааска киэһэ 10-ҥа дылы сырытыннарар бобуллар, полиция көҥүлэ баар буоллаҕына биирдэ дьиэ олбуорбуттан таһарыахха сөп.
Япония
2008 сыллаахха дойду 40-74 дылы саастаах бэйэтин олохтоохторун тас көрүҥнэрин мээрэйин сылын аайы хонтуруоллууру киллэрэргэ быһаарбыта. (эр дьоҥҥо 86 см элбиэ суохтаах, кэрэ аҥардарга 90 см). Итинник Япония дойдуну уонна ону көбүтэр ыарыылары кытта охсуһар. 2015 сылтан саҕалаан “көрдөрүүлэри толорботох” дьон, хампаанньа ыстырааптанар.
АХШ
Бу испиэһэги түмүктүүр, биллэн турар Америка. Сорох штаттарга дьон өйдөөбөт сокуонун таһаараллар. Ардыгар олохтоохторго күлүүгэ эрэ бараллар. Өссө сороҕор олохтоммут ыстыраабынан куттууллар. Холобур, Иллиной штакка эһигиттэн 1000 доллары тутуохтара, крысаны өлөрдөххө.
Оттон Миннестоҕа 2000 долларга дылы, өскөтүн эһиги масыынан кирдээх шинанан сүүртэххитинэ ыстырааптыыллар.
Павел Ильин.