Сотрудников Арылхан – Арыылаах орто оскуолатын үөрэнээччитэ. Кини үрэх таастарын коллекциялыыр. Бастакы олугун II кылааска үөрэнэ сырыттаҕына география учуутала Р.С. Слепцова уурбут: «Инникигэ хардыы» научнай-практическай кэмпириэнсийэҕэ «Туойу тугунан солбуйуохха сөбүй?» диэн тиэмэҕэ дакылаат суруйтарбыт.
Ол чинчийиитигэр Арылхан араас ньымалары туттубут: кумаҕынан, килиэбинэн, туустаах тиэстэнэн, мас көөбүлүнэн туой солбугун көрдүү сатаабыт. Онно аан бастаан шпат тааһын көрөн дьиктиргээн, таас хомуйуутун саҕалаабыт. Билигин кини коллекциятыгар араас дьикти таастар бааллар. Аны араас быһыылаахтары хомуйарынан дьарыгыран эрэр эбит.
Арылхан интэриэһэ киэҥ. Ол гынан баран, бу умсугуйуута кинини болҕомтолоох буоларга уонна элбэҕи билэргэ үөрэтэрин өйдөөн, кэнники чопчу сыаллаах-соруктаах үлэлэри, арыйыылары оҥоруо диэн бигэ эрэнэбит.
Арыылаах, Дьааҥы.