“Кэскил” хаһыат алтынньы 19 күнүнээҕи нүөмэригэр “Эдэр политолог муннуга” рубрикаҕа Иннокентий Киренскэй – Бүргэс Лэгэнтэй Госдуума уонна сокуон туһунан тэттик бэлиэтээһиннэрэ, оҕолор политика туһунан санаалара бэчээттэннэ. “Иэйии”-гэ айар дууһалаах эдэр кыргыттар хоһооннорун ааҕыҥ. Ону тэҥэ Бүлүү улууһун Н.И.Протопопова аатынан эбии үөрэхтээһин киинин 70 сылыгар анаммыт балаһалары сэргээҥ. Манна даҕатан эттэххэ, өскөтүн эһиги нэһилиэккит оскуолата, эбии үөрэхтээһинин киинэ үбүлүөйдээх бэлиэ сыла эбит буоллаҕына, биһиги хаһыаппытыгар бэчээттэнэн үйэтитиэххитин сөп. Этиилэргитин @keskil.news Инстаграм дириэгэр күүтэбит. “Кэскил” хаһыат өрөспүүбүлүкэ агро-оскуолаларын кытары ыкса ситимнээхтик үлэлиир. Ол курдук бу нүөмэргэ П.Н. уонна Н.Е. Самсоновтар ааттарынан Хатас орто оскуолатын “агро-питомнигын” үлэтин, ону тэҥэ соторутааҕыта Новосибирскай куоракка Бүтүн Россиятааҕы “АгроНТИ-2021” куонкурус “Агробио”, “Агроробот”, “Агрокоптер” хайысхаларга кыайыылаах буолбутун туһунан булуоххут. “Бүттүүн бүөмнээн” рубрикаҕа импровизатор-хомусчут Василена Шарина, урбаанньыт Сандаара Чемезова олохторун аналын кытары хайдах билсибиттэрин туһунан кэпсээннэрин сэргээн ааҕыҥ!
Анонс: «Кэскил» хаһыат бүгүҥҥү нүөмэрин сэргээн ааҕыҥ!
