Ньурба улууһугар «Көмүскэл» иис сыаҕа күүстээхтик үлэлии турар. Баҕа өттүлэринэн, сүрэх ыйыытынан үлэлии сылдьар иис сыаҕа быйыл Саха Өрөспүүбүлүкэтин Ил Дарханын гранын ылан анал байыаннай дьайыыга сылдьар буойуттарга маскировочнай плащ-палатка тигэ сылдьар.
— Плащ-палатка «4 в 1», маны таһынан маскировочнай сетка, иис арааһын барытын тигэбит, — диэн кэпсиир «Көмүскэл» иис сыаҕын салайааччыта Галина Дмитриевна Федорова.
Оскуолабыт учуутала анал байыаннай дьайыы саҕаланыаҕыттан күн бүгүҥҥэ диэри сылдьар. Бу күннэргэ кини оскуолабыт үлэһиттэригэр сибээскэ тахсан, маскировочнай сетка, определитель дрона наһаа наадалаах диэн иһитиннэрдэ. Биһиги, үөрэнээччилэр, маскировочнай сетка хайдах оҥоһулларын билбэт буоламмыт, «Көмүскэл» иис сыаҕар тиийэн маастар-кылаас көрдүбүт.
Иистэнньэҥнэр үлэлэрин быыһыгар быыс булан, сетканы хайдах өрөрү көрдөрдүлэр, ону таһынан өрөр сетка, матырыйаал биэрэн көмөлөстүлэр, сүбэ-ама биэрдилэр.
Оскуолабытыгар учууталлар, оҕолор буолан маскировочнай сеткабытын оҥорон саҕалаатыбыт. Аҕам саастаах эбээлэрбитигэр махталбытын биллэрэбит.
Корреспондент: Алина Антонова.
Устуу уонна монтаж: Авдей Неустроев.
«Юла» медиакиин, Маар орто оскуолата, Ньурба.
keskil14.ru