Анабыл хоһоон кимиэхэ эрэ ананар. Поэт бэйэтин айымньытын аныыр убаастаан, таптаан. Хоһоон аатыгар эбэтэр үөһээ кытыы сурулла сылдьар буолуон сөп.
Анабыл античнай кэмҥэ кинигэ маҥнайгы лииһин үксүн булгуччулаах «киэргэлэ», «ураты көстүүтэ» буолара. 20 үйэ саҕаланыытыгар литература анабыл хоһоон ураты бэлиэтинэн буолар. Истиҥ доҕордоһуу, убаастаабыл туһунан анабыл хоһооннор биллэ тарҕаналлар. Холобур, И.С. Тургенев «Песнь торжествующей любви» айымньытын Гюстав Флоберга аныыр, «Первая любовь» айымньыны П. В. Анненковаҕа аныыр. Андрей Белый «Пепел» хоһоонун хомуурунньугун Н. А. Некрасовка аныыр. Онтон уус-уран айымньыга, хоһооҥҥо интимнай характерданар. Анабыл хоһоон чугас дьоҥҥор, аймахтаргар (ааптарга айар үлэтинэн сибээстээх буолбакка кини тус олоҕор суолталаах дьоннор). Холобур Федор Михайлович Достоевскай «Униженные и оскорблённые» айымньытын улахан убайыгар, «Братья Карамазовы» бүтэһик романын кэргэнигэр Анна Григорьевнаҕа анаабыт. Н.Г. Чернышевский «Что делать?» романын «другу О. С. Ч.» диэн (ол аата Ольга Сократовна Чернышевской, ааптар кэргэнигэр анаабыт.
Н. Н. А. Некрасов «Дедушка» поэматын тиэкиһигэр «З-н-ч-е» ананар диэн сурйбут (Зиночка диэн кэргэнин Фекла Анисимовна Викторованы таптаан ааттыыр эбит). Инник араас интэриһинэй холобурдар нуучча литературатыгар олус элбэхтэр.
Е.И. Голованова бэлиэтииринэн анабыл хоһоон: «Объединяет посвящения в художественном и научном дискурсах категория автора. Образ автора, явленный в посвящении как начальном элементе разворачивающегося перед читателем текста, оказывается актуальным для всей книги, основой внутреннего единства всех её элементов. Благодаря образу автора весь текст (дискурс) обретает самостоятельную коммуникативную, этическую и эстетическую значимость.
Анабыл хоһоон тиэкискэ ураты сүүрээни киллэрэр, кини хатыламмат өрүттэрин бэлиэтиир, ону тэҥэ тиэкис суруллубут кэмин уонна миэстэтин бигэргэтэр, хоһоону эмоцианальнай күүрээннээх оҥорор.
Анабыл хоһоон хас даҕаны араастардаах эбит. Коммункация өттүнэн:
1) Мемориальнай анабыл (ким эрэ кэриэһигэр…). Манна коммуникация сабыылаах. Ол аата төттөрү сибээс (обратная связь) суох.
2) Диалогическай анабыл. Ааптар уонна адресат алтыһыыта баар буолуон сөп. Манна коммуникация аһылынна.
Адресат көрүҥүнэн:
1) Полиадресатные — киэн, улахан аудиторияҕа ананар.
2) Моноадресатные — чопчу биир киһиэхэ ананар.
Ааптар уонна адресат икки ардынан экстравертнай интровертнай көрүҥҥэ арахсар. Экстравертнай диэҥҥэ үлэ, үөрэх эйгэтигэр билсэр дьонноргор, оттон интровертнай диэн чугас аймах билэ дьоҥҥор анабыл хоһоон.