Кырабыттан араас дьарыкка дьарыктанан, тэрээһиннэргэ кыттан улааппыт Ольга Петровна Иванова –Сидоркевич аатынан Амматааҕы айар сайдыы киин 50 сааhын туолар үбүлүѳйдээх күнүнэн истиӊник эҕэрдэлиибин!
Киин үлэhиттэригэр, араас хайысхалаах уhуйааччыларга, методистарга, директор Иванна Ивановнаҕа үүнэр кѳлүѳнэни, элбэх оҕо аймаҕы үѳрэтэн олохторугар талар идэлэрин сирдээччинэн, ѳй-санаа олохсуйуутугар сүӊкэн кѳмѳ буоларгытыгар улахан махтал!
Сыралаах үлэҕит ѳссѳ сайдан, саӊаттан саӊа сүүрээннэр, араас саӊа кѳрүӊнэр эбиллэн элбэх оҕону ыӊыра-угуйа турдун! Барыгытыгар ситиhиилэри, чэгиэн буоларгытыгар баҕарабын!
Оҕо-аймах таптаан дьарыктанар, сылдьар киинэ ѳссѳ сайда, тупса, чэчирии турдун!
Мин 1 кылааска үѳрэнэ киириэхпиттэн бастаан уруһуй куруhуогар салайааччы Надежда Ивановна Абрамоваҕа дьарыктаммытым. Онтон «Бутафория» куруhуокка салайыыччы Мария Дмитриевна Спиридоноваҕа 8 кылааhы бүтэриэхпэр дылы сырыттым.
Мария Дмитриевна миэхэ пластиктан, таҥас куукула, сымнаӄас оонньуур онорорго үѳрэппитэ, бу куруhуокка араас кѳрүӊүнэн дьарыктаныахха сөп. Мин манна араас куукулалары, киэргэллэри лепкалаан оҥорорго, кыбытык тигиини, куукула таҥаhын тигэргэ, оҕуруонаг араас киэргэллэри оӊорорго, валяниеҕа, вышивкаӄа, тириинэн кумааһынньык, телефон чехолун оӊосторго, хортуонтан, кумааҕыттан араас коробкалары оӊорорго үѳрэнним. Бу дьарыктар бары мин сайдарбар, бириэмэбин сатаан туhанарбар үѳрэтэллэр. Кэлин олохпор да олус туhалаах буолуо диэн эрэллээхпин. Иллэӊ бириэмэбэр уруhуйдуурбун, ону-маны толкуйдаан оӊорорбун олус сѳбүлүүбүн. Ийэбэр, аҕабар, эбээбэр, эhээбэр бэлиэ күннэргэ бэйэм сувенир оӊорон бэлэхтээччибин. Олус үѳрэллэр, астыналлар. Араас быыстапкаларга, күрэхтэргэ кыттан бириистээх миэстэлэргэ тиксээччибин. Бу миэхэ санаабын кѳтѳҕөр, саӊаттан саӊа идея, фантазия үѳскүүрүгэр кѳмѳлѳhѳр.
2022 сылга Всероссийскай «Рисуй с нами» творческай мастарыскыайга «Якутяночка», Егор Чээрин 100 сааhыгар анаан «Саха снайпера» диэн куукулаларбар 1 истиэпэннээх диплом, Педагоги Якутии республиканскай «День Святого Валентина» күрэххэ 1 истиэпэннээх диплом, 8 Всероссийскай «Надежды Росии» күрэххэ «Подарок своими руками», «Маме с любовью» номинацияҕа 1 истиэпэннээх диплом ылаттаабытым уонна да атын күрэхтэргэ эмиэ миэстэлэспитим.
Күндү тѳрѳппүттэр, оҕолоргутун айар сайдыы киинигэр Амматааҕы оҕо ыйымньытын дьиэтигэр араас хайысхалаах куруhуоктарга суруйтаран сѳбүлүүр, интэриэhиргээбит дьарыктарыгар суруйтарын, сайдын, сатабыллаах буолун!
Айна Черноградская, Амматааҕы В. Г. Короленко аатынан №1 орто оскуола 9 «б» кылааhын үөрэнээччитэ